لأول مرة.. شيكابالا يفصح عن تفاصيل مهنة والده
كشف محمود عبد الرازق شيكابالا، قائد نادي الزمالك السابق، عن تفاصيل مهنة والده رحمه الله، قائلا: «عارف العربيات النقل اللي هي الكبيرة دي اللي بيبقى فيها مشمع يغطي الشاحنة بأكملها، كانت لما السيارة تعود إلى أسوان كان الغطاء المشمع يتقطع في بعض الأحيان، كان والدي هو اللي بيخيطه».
شيكابالا: والدي رجل عظيم
وأضاف شيكابلا خلال لقاء خاص في برنامج «ضيفي مع معتز الدمرداش» المذاع عبر قناة الشرق للأخبار: «والدي كان الوحيد في أسوان اللي بيخيط الغطاء، فكان رجل طيب وعظيم وبالنسبالي هو مثلي الأعلى، ومنحني قوة مشوفتهاش في حد».
وتابع: ««والدي مشافش نجاحي كان اتوفى، والدي كان زملكاوي جدا وأمنية حياته إنه يشوفني ماتش واحد مع الزمالك، لكن ربنا ما أرداش».
في وقت سابق، تحدث محمود عبد الرازق شيكابالا، قائد نادي الزمالك السابق، عن أزمة تراجع المواهب في كرة القدم المصرية خلال السنوات الأخيرة، مشيرًا إلى أن سبب التراجع يعود إلى غياب العدالة في اختيار اللاعبين داخل قطاعات الناشئين، قائلا : «الموهبة في مصر قلت علشان الكرة بقت مقلوبة، اللي أبوه غلبان مش بيقدر يلعب، لكن اللي أهله معاهم فلوس هما اللي ولادهم بيدخلوا الأندية».
المال أصبح يتغلب على الموهبة
وأوضح شيكابالا خلال لقاء خاص في برنامج «ضيفي مع معتز الدمرداش» المذاع عبر قناة الشرق للأخبار، أن المال أصبح يتغلب على الموهبة في اختيار اللاعبين، مضيفا: «الناس بقت بتسأل هتدفع قد إيه مش عندك موهبة إيه، وده مأثر على قطاع الناشئين في كل الأندية، وبالتالي على الفرق الكبيرة والمنتخبات».
الوضع الحالي في الكرة المصرية
وأكد أن الوضع الحالي جعل عدد الناشئين المشاركين مع فرقهم في الدوري الممتاز محدود، حتى في أندية القمة مثل الأهلي والزمالك، لافتا أن الأندية في الماضي كانت تهتم كثيرا باكتشاف المواهب من كل محافظات مصر، وكان يتم تنظيم اختبارات حقيقية تفتح الباب أمام اللاعبين القادمين من الصعيد أو الريف، مواصلا: «لكن الآن الموهوب الحقيقي مش بيظهر لأنه مش معاه فلوس، والكرة في مصر بقت فلوس حتى في الناشئين، والأندية بقت استثمارية، واللي بيدفع ابنه هو اللي بيلعب، وده اللي دمر المواهب».
وفي سياق متصل، كشف محمود عبد الرازق شيكابالا، قائد نادي الزمالك السابق ،تفاصيل قراره باعتزال كرة القدم مع نهاية الموسم الماضي، مؤكدًا أن القرار جاء عن قناعة تامة بعد تفكير طويل.
