وحشتني يا ابن أمي وأبويا.. فريدة سيف النصر تنعي شقيقها بكلمات مؤثرة
مازالت الفنانة فريدة سيف النصر متأثرة بوفاة شقيقها بدر الدين، حيث نشرت الفنانة فريدة سيف النصر منشورًا مؤثرًا عبر حسابها الرسني على موقع التواصل الإجتماعي فيسبوك.
فريدة سيف نصر تتذكر ذكرياتها مع شقيقها
وقالت فريدة سيف النصر في منشورها: “عارف يا روحي أنت معايا مابتسبنيڜ ليه لأني مافارقتكش من يوم ما تولدنا شوف بقي اخونا الصغير مات وبابا وماما واعمام وخالات، وأقارب الله يرحمهم وعندنا اخونا سيف النصر اختار الفراق والعيشة بره اتعود بعدنا واتعودنا هجره لنا، واختنا في حالها طول عمرها جوزها واولادها حياتها وقافلة على نفسها باحترام الحقيقة ماكانتش تنزل الا لماما، أنا وأنت بقي خدنا البهدلة والحلو والمر ومرض دوول وطلاق دوول، وفضلووا ابني وعيالك وعيال سيف في حجري وانت أولهم جواك طفل طيب حنون كريم، فاكر كانوا يقولوا عليك بدر من بره فريدشوقي ومن جوه العندليب، الله يرحم الجميع”.
لم يتركها أبدًا
واستكملت فريدة سيف النصر منشورها: “والولاد كلهم بيكبروا بيبقي أهم حاجة عندهم صحابهم والخروج، أو السفر للعمل بره زي بنتك فوزية الكبيرة سنين عشناها في قلق عليها والشبااب دائما ولا هما هنا، ويغيبوا كلهم حتي مصطفي سافر الغردقة والقلق تاني مثلا ابني ودبي والقلق تالت ولا هما هنا، عندهم عادي المهم عايزين ايه هما، وفضل الكبار انت وانا وزوجتك وولادك الجداد تحصل حاجات وحاجات والبنت اتجوزت وأجريت ورا جوزها سنة الحياه حتي ابنك الصغير، كنت تقوللي شايفة البيت فضي بعد آمنا ازاي وكنا انت وانا مكملين، بس اكمل ازاي من غير دعواتك الحلوة، وحتي لو جاني أي حلو اقاسمه مع مين يا بدر ومين يفرح لي زيك، ودائما تقول لو حد زعلني ماتزعليش يا فورد قدرك تبقي امنا كلنا حتي لناس اكبر منك، كلامك بلسم وحلو مابتغلطش في حد، احيانا تقوللي حضرتك اقول لك ده كلام تقول لي حاضر يا قلبي”.
فريدة سيف النصر: “استعجلوا عليك ليه”
واختتمت فريدة سيف النصر حديثها موضحة: “علي فكره باسل ابنك هو ومصطفي ابنك بيتكلموا زيك دلوقتي، أما فرح داخله عالخامس ولو ولد هاتسميه بدر، وقالت لي اخر قعده معاك مسكت أيدها وقلت لها ماتزعلوش فريده كلميها علي طول وأسالي عليها فورد دي حبيبتنا وحبيببة قلب ابوكي، اااااااه ياخويا، العوض علي الله، اصلا كنت باعمل شاي بالقرنفل وانت بتحبه لقيتني عملت كوبايتين لا تكون شايفني من فوق وتزعل، بص أنا بقالي يومين، بحاول اعرف مين أمر في إن يتشال جهاز التنفس الصناعي قبل ماقلبك يجمد تاني يقوم يقف ومايعملوش انعاش لازم اعرف مش بمزاجهم، ماهم بياخدوا مش قليل استعجلوا عليك ليه، اربع مرات قلبك يقف بالنص ساعة في زايد وترجع واسألوا الدكاترة، المره دي في ايه، سالت دكتور احمد سالم بيتهرب من اجابه دوغري بس أنا لازم اعرف وهاعرف، وحشتني يا ابن أمي وابويا”.
