عمرو أديب: مصر تفتح بوابة التاريخ والمتحف الكبير يستعد للعرض العالمي

أكد الإعلامي عمرو أديب، أن العالم كله هيركز نظره على مصر بكرة عشان افتتاح المتحف المصري الكبير، والحدث ده هيبقى حاجة تاريخية والفكرة كأن الحياة كلها وقفت مستنية اللحظة دي.

وقال أديب في برنامجه "الحكاية"، "بكرة هيبقى يوم مختلف في تاريخ مصر. .. متبصوش قدامكم، بصوا لفوق... السماء هتشوف عروض مبهرة بالإضاءة والدرونز الحديثة مصر كلها هتبص لفوق بكرة."

وأشار أديب الي أن الفعالية هتضم عرض فني مميز بيحكي قصة مصر والمتحف، والمطربة العالمية المصرية فاطمة سعيد هتشارك فيه، وكمان سوبرانو مصرية مشهورة عالميًا، والحدث هيبقى عرض واحد متكامل من أوله لآخره، ومليان مفاجآت.

وتابع قائلا: إن الافتتاح هيشهد حضور دولي واسع: “بكرة هيكون في مصر ضيوف كبار، زعماء، أمراء وملوك من كل أنحاء العالم.”