أحد أصدقاء المصورين ماجد هلال وكيرلس صلاح يكشف تفاصيل جديدة حول وفاتهما
كشف المصور محمد حامد، أحد أصدقاء المصورين الراحلين ماجد هلال وكيرلس صلاح، تفاصيل جديدة حول وفاتهما المفاجئة يوم الأربعاء الماضي، أثناء ممارسة عملهما.
صديق المصورين ماجد هلال وكيرلس صلاح يكشف تفاصيل جديدة حول وفاتهما
وكتب حامد عبر حسابه الشخصي على فيسبوك : "حابب أقول حاجة مهمة جداً بعد ما وصلت بورسعيد .. وهي إنهم ما سقطوش من على الونش .. الونش هو اللي وقع بيهم للأسف .. في ناس لسه مطلوبة تدلي بأقوالها للنيابة .. بس الناس دي مختفية".
ياريت ما نسكتش وننسى وسط مشاغلنا
وتابع : "في بيان هايطلع بكرا من الشركة بعد ما المحامي بتاعهم جه وشاف المحضر وتقريبا البيان ده هايكون صادم .. ياريت ما نسكتش وننسى وسط مشاغلنا .. ياريت من كل الفنانين و الفنانات وكل اللي اتعاملوا مع ماجد و كيرو يوصلوا صوتهم لكل المسؤولين .. بحيث نقدر نوصل لسيادة النائب العام لو استدعى الأمر".
وواصل صديق المصورين : "أنا عن نفسي سيبت شغل ليا كان المفروض أعمله بره مصر .. وجيت أحضر الدفنه و العزاء ..ومش هارجع أشتغل غير وأنا في إيدي حق ماجد و كيرو .. أصل منين هايجيلي نفس أصور و صحابي الرجالة و حط تحت الرجالة دي 100 مليون خط .. كانوا بيصوروا جنبي من كام يوم ووشي في وشهم 9 أيام ورا بعض .. وكتفنا في كتف بعض وبنطمن على بعض وبنأمن ضهر بعض .. وسط الفعاليات الكتير اللي كنا فيها في مهرجان الجونة".
حقكم هايجي غصب عن التخين
واختتم : "ألف رحمة و نور عليك يا ماجد أنت و كيرو .. و صدقوني حقكم هايجي غصب عن التخين .. طالما إحنا في ظل القضاء المصري العادل ونزاهة سيادة النائب العام .. اللي باتوجه له بفتح التحقيق فورًا .. واستدعاء كل من ليهم صلة بالحادث لإظهار الحقيقة للرأي العام".
مصور صحفي يكشف تفاصيل وفاة ماجد هلال وكيرلس صلاح لـ نيوز رووم
وكان قد كشف المصور الصحفي كريم عبدالعزيز، يوم الأربعاء الماضي، تفاصيل وفاة المصورين ماجد هلال وكيرلس صلاح.
وقال كريم في تصريحات لـ نيوز رووم، إن ماجد هلال وكيرلس صلاح، توفيا في حادث بعد ذهابهما لأوردر تصوير خاص في بورسعيد لأحد المصانع هناك تابع لشركة صن كريت، وخلال العمل طلب منهم أن يصعدا على الونش للتصوير من أعلى إلا أنهما سقطا بشكل مفاجئ لعدم توفير إمكانيات الأمان لهما فلقيا حتفهما على الفور.
