رضوى الشربيني ردا على متابع: "هي ما رجعتش عشان فاقت واتعلمت من أخطائها"

ردت  الإعلامية رضوى الشربيني، خلال برنامجها "هي وبس" المذاع عبر قناة dmc، على رسالة أحد المتابعين الذي شكا من أن حبيبته في كل مرة كانت تعود بعد الخلاف، لكنها هذه المرة لم تفعل.

 هي ما رجعتش عشان فاقت 

وعلقت رضوى قائلة: "لا، هي ما رجعتش عشان فاقت، هي عقلت، تعافت، اتعلمت من أخطائها، حطتلك حدود كان لازم تحطها من زمان، بطلت ترضى بقليلها، وحطت نفسها أولوية أولى".

 مشكلتك زي مشكلة ناس كتير 

وأضافت الشربيني: "مشكلتك زي مشكلة ناس كتير، مش بتحسوا بالنعمة غير لما بتروح من إيديكم، لأن في ناس كتيرة ضامنة بقاء الست أو البنت اللي في حياتكم، وبتعاملوها على مزاجكم".

 الصبر مش ضعف.. الصبر قوة 

وتابعت رضوى: "بتعتقد إن صبرها عليك ضعف، مع إن ده منتهى القوة.. إنها تقدر تمشي وما تمشيش، فهي ما اتغيرتش، هي فهمت، وفي فرق كبير بين اللي بيتغير واللي بيفهم، واللي بيفهم مش بيرجع".

ةفي نفس السياق ،رفضت رضوى الشربيني تماما فكرة الشماتة في "سوزي الأردنية"، مؤكدة أن الهدف من الواقعة هو التعلم من الخطأ وليس الشماتة.

وقالت: "أنا مش بقول إن أنا معاها أو في صفها، لكن لازم نتعلم من الغلط الموضوع ده كان لازم يحصل علشان يكون رسالة للجيل الجديد اللي فاكر إن الشهرة والفلوس تيجي بسهولة عن طريق الفيديوهات".

وأضافت أن القضية تمثل جرس إنذار لكل من يسعى وراء المكاسب السريعة دون تعب أو مجهود، قائلة: "اللي بيستسهل المكسب السريع لازم يعرف إن الشغل الحلال هو اللي بيستمر، وربنا هو الرزاق".

"خلي بالك من ولادك".. رسالة إلى الأهل

وخلال حديثها، وجهت رضوى رسالة قوية إلى الآباء والأمهات، مؤكدة أن المراقبة والتربية مسؤولية أساسية لا يمكن التهاون فيها.

وقالت: "أنا بحط تحت كلمة بيتفرجوا على إيه 30 خط في الأيام اللي إحنا فيها، لازم نعرف ولادنا بيشوفوا إيه وبيعملوا إيه، لأن في بعض الأباء والأمهات كتير عندهم رقابة على أولادها".

وأشارت إلى أن مواقع التواصل الاجتماعي أصبحت مليئة بالمحتوى غير المناسب، مما يجعل دور الأسرة أكثر أهمية من أي وقت مضى