«هو ليه كدة؟».. رواد التواصل يهاجمون صناع «ابن النادي» بسبب مشاهد غير أخلاقية

تداول رواد مواقع التواصل الاجتماعي منشورًا انتقد فيه أحد المتابعين ما اعتبره توجها متكررًا في بعض الأعمال الدرامية نحو تطبيع العلاقات المحرّمة وتقديمها في قالب كوميدي، مشيرًا إلى أن مسلسل «ابن النادي» نموذج جديد لهذه الظاهرة.

رواد التواصل يهاجمون صناع «ابن النادي» بسبب مشاهد غير أخلاقية

وبدأ صاحب المنشور على موقع التواصل الاجتماعي "فيس بوك" الذي حمل عنوانًا لافتًا «هو ليه كده؟ وإيه الغرض من كده؟»، حديثه بالقول: "معلش إعتبرني راجل دقه قديمة وخدني علي أد عقلي شوية، انا بتفرج علي مسلسل ابن النادي وتمام علي مستوي الكوميديا هو خفيف وكل حاجة وحاتم صلاح وعبد الرحمن عاملين أدوار جميلة وكيميا حلوة بينهم كل دا حلو لكن".

وأضاف صاحب المنشور: "هو إيه إصرار صناع الدراما مؤخرا علي توجيه العلاقات المحرمة داخل الأعمال عشان يتم تقبلها انا قولتلكم كتير ان أي حاجة عاوز تمررها لعقل المشاهد وتخليها بسيطة وعادية لازم من خلال سلاح الكوميديا".

وتابع بقوله: في المسلسل دا برضو نفس الفكرة، احمد فهمي في علاقة محـرمة، وبينتج عنها مشاهد كوميدية وضحك وها ها ها، طب ليه بنحاول نبين للناس ان الأمور دي عادية؟ يعني مش حرام، ومش كبيرة من الكبائر

ومش المفروض ان لما نعرض حاجة زي نعرضها في سياق يكرهنا فيها مش يحببنا فيها".

وأوضح في منشوره: ليه أوصل للجيل الحالي، ان عادي الأب يبقي ناجح وغني وبيصاحب ابنه، بس الصحوبية دي متبلورو في إنهم يشربوا مخـدرات سوا، وعشان انا كمراهق اقول ان هو دا الاب الصح اللذيذ الكول.. انما ابويا اللي بيربيني علي الصح دا راجل خنقه وقديم".

وأشار بقوله: "أحمد فهمي نفسه حاطط نفسه في قالب غريب، لازم كل أعماله يطلع الولد الهلاس بتاع العلاقات المـحرم والنقطة بقي اللي توقفت عندها، هي برضو الإصرار مؤخرا لصناع الدراما انهم يحشروا الاطفال في حاجات ماينفعش يتكلموا فيها، ويعني طفلة زي دي 

تدخلها في انها تقولك تعالي نعمل DNA عشان تعرف انا بنتك ولا لأ، هل الطفلة دي تعرف معني كلامها؟ وتعرف معني التحليل دا بيتعمل ليه، يا راجل في مسلسل لام شمسية كان الكل خايف ان الولد اللي مثل الدور ( علي ) انه يتأذي نفسيا منه".

وتابع : "لحد ما خرج صناع العمل وقالك عملنا جلسات نفسيه مطولة مع الولد وتم تهيئته عشان موضوع العمل مش مناسب لسنه عشان يدركه، خلي بالك ان البوست مش هايتهاجم لان الكلام غلط.. انما هايتهاجم لان المسلسل اتقدم في قالب كوميدي.. فالناس هضمته والعقل اتبرمج انه تمام وحلو.. وانت بقي جاي تقولنا وحش".

كما أضاف: "نفس اللي كلمتكم عنه في رمضان اللي فات

مسلسل (نص الشعب اسمه محمد) مشاهد حللناها سوا

مابين مشاهد مكررة للبنت اللي بتعمل علاقات محـ...ـرمة في قالب كوميدي ومقبوووول للعقل وبين مشاهد الست الكبيرة ( شيرين ) اللي محجبه ولابسه في إيدها المسبحة الإلكترونية وبتروح تشرب شيشة وعادي اللي هو الموضوع Easy".

وواصل حديثه: "هو ليه مصر بس اللي شركات الانتاج الخليجية بتنتج فيها الكلام والمواضيع دي مع انهم لو انتجوا في بلادهم، بيراعوا كل المحاذير اللي مافيهاش خرق للدين او لقيم المجتمع، وعشان ماتزعلش نفسك

ياعم لا الممثلين قاصدين  ولا انا قاصد ولا انت قاصد  ولا الموضوع مترتب ولا أي حاجة بس حتي لو الأمر معمول أعتباطي فهو برضو غلط".

واختتم بسؤاله: "لو ماسك الريموت بتتفرج وجنبك إبنك او بنتك ولقيت مشاهد متكررة لاحمد فهمي وهو بيقدم علاقه محـرمة وعمال يقول إيحاءات ماتتقالش إلا في أوضة النوم هتسيب المسلسل شغال؟، لازم نحارب ونوعي ولو بكلمة نلقى الله بها، اللهم سلمنا نحن وابنائنا وازوجنا ونساء المسلمين من الفتن ما ظهر منها وما بطن".