أحمد موسى: محدش ينزل يوم السبت واقعدوا اتفرجوا على حفلة افتتاح المتحف

ناشد الإعلامي أحمد موسى المواطنين، قائلًا: "محدش ينزل من البيت يوم السبت واقعدوا اتفرجوا على حفلة افتتاح المتحف المصري الكبير".

وقال أحمد موسى خلال برنامجه "على مسئوليتي"، المذاع عبر قناة "صدي البلد"، أن المتحف المصري هو الحدث الأهم في القرن الحالي وليس فقط في مصر، بل مصروالعالم .

وفي نفس السياق، قال الإعلامي أحمد موسى، خلال تقديمه برنامج على مسئوليتي المذاع عبر قناة صدى البلد، إن المتحف المصري الكبير سيتم افتتاحه يوم السبت القادم، مشيرًا إلى أن العالم بأسره ينتظر هذا الحدث التاريخي.

وأضاف: "إن شاء الله بإذن الله تعالى، المتحف المصري الكبير افتتاحه يوم السبت الجاي، الدنيا كلها مستنيـه، ولما باقول إن الدنيا كلها مستنية مش ببالغ، فيه 400 أو 500 قناة طالبين يذيعوا الاحتفال على الهوا مباشر، هو مش احتفال مصري، ده احتفال مصري وعالمي".

احتفال يليق بمصر وحضارتها

وأكد أحمد موسى أن الاحتفال يجب أن يكون على مستوى عظمة الدولة وتاريخها، قائلاً: "إحنا عاوزين احتفال يليق بالدولة، بحضارتها، بقوتها، بالسياسيين، بالأمن، عاوزين حاجة مختلفة تليق بالدولة وبهذا التاريخ".

وتابع أحمد موسى: "عشان كده لما باقول الكل يترقب، الناس تقعد يوم السبت في البيت تتفرج على الحفلة، اقعدوا اتفرجوا، وهذه أهم احتفالية في هذا القرن، مفيش حدث أهم من ده لا برا ولا جوا".

رعاية رئاسية ومتابعة دقيقة

وأكد موسى أن هناك متابعة مباشرة من القيادة السياسية، قائلاً: "اللي في المتحف من جوه واللي برا المتحف شيء مبهر، وسيادة الرئيس بيتابع كل حاجة، ومش عاوزين حاجة يبقى فيها مشكلة، اللي بيتعمل حاجة عظيمة."

مصر تبني وتعمر في الداخل والخارج

وأشار أحمد موسى إلى ما تشهده البلاد من إنجازات، قائلاً: "شفتوا امبارح مدينة الفنون؟ إحنا بلد بتعمر في غزة، في ليبيا، وفي العراق، وفي الدول العربية، احنا شغلنا الشاغل البناء".

واختتم موسى حديثه، قائلاً: "كوبري 6 أكتوبر ما اعرفش هيتعمل فيه إيه عشان يتغير، شوفوا الدائري بقى إزاي".

وفي وقت سابق قال الإعلامي أحمد موسى إن العالم يترقب موعد افتتاح المتحف المصري الكبير، مؤكدًا أن الافتتاح سيكون حدثًا عالميًا واستثنائيًا، تُقام خلاله احتفالية تليق بتاريخ مصر العريق، وقيمتها الحضارية، ومكانتها وتأثيرها وقوة الأمة المصرية.