شريف مدكور: اختياري للبقاء عازب ليس أنانية بل تفادي عبء المسئولية
كشف الإعلامي شريف مدكور ، عن أهم مميزات العزوبية، قائلًا: "أكتر حاجة سعيد بها في السنجلة إن أنا حر تمامًا، لأن الزواج مسئولية، وأنا مش عايز المسئولية دي، أنا دلوقتي أشتغل، معايا فلوس، مش معايا فلوس، عايز أروح جي، مفيش حد مربوط بيا ولا أنا مربوط بحد، لأن أنا لو شخص متزوج كنت هبقى مسئول زيادة عن اللزوم".
وأضاف شريف مدكور خلال حلوله ضيفًا ببرنامج "ست ستات" المذاع عبر قناة dmc، أن قناعته عن الزواج والسنجلة ليس بها أدنى أنانية بل على العكس، معقبًا: "أنا من كتر ما الزوجة والأولاد هكون مهتم بهم زيادة عن اللزوم، فمش عايز أحطهم في موقف إن أنا ما أبقاش أد المسئولية دي".
وفي سياق متصل قال الإعلامي شريف مدكور إنه خطب 3 مرات قبل ذلك، معقبًا: "مكنتش وقتها في أحسن حالاتي، كنت حاسس إن فيه حمل ثقيل عليا".
وأضاف الإعلامي شريف مدكور، خلال حلوله ضيفًا ببرنامج "ست ستات" المذاع عبر قناة dmc، أنا قررت عدم الزواج وإني أكون "سنجل" في سن الـ 33، معقبا: "قلت لنفسي أنا عيز أبقى سنجل ومش عايز أتجوز، لكن ساعات بفكر إني ممكن مع الوقت لما أكبر أبقى عايز شريكة".
وأوضح أنه أخذ قرار عدم الزواج، والبقاء سنجل، بعد فشله في الارتباط 3 مرات، معقبا: "المشكلة كانت عندي أنا، الثلاثة كانوا زي الفل، المشكلة كانت عندي في إني شخص لا أستطيع التقيد، ولا أستطيع أن أكون ملتزما التزاما أسريا بطريقة معينة".
