هشام جمال: مش مصدق إني اتجوزت ليلى أحمد زاهر.. والناس بتحب العلاقات الحقيقية
حل النجم هشام جمال والفنانة ليلى أحمد زاهر ضيفين على الفنانة والإعلامية إسعاد يونس في حلقة خاصة من برنامج "صاحبة السعادة" على قناة dmc، في أول حوار تليفزيوني يجمعهما بعد زواجهما الذي تصدّر مواقع التواصل الاجتماعي خلال الأيام الماضية.
"مش مصدق نفسي إني متجوز ليلى أحمد زاهر"
بدأ هشام جمال حديثه : "مش مصدق نفسي إني مجوز ليلى أحمد زاهر وقاعد معاها في الاستوديو"، معربًا عن سعادته الكبيرة بارتباطه بزوجته التي وصفها بأنها "إنسانة طيبة وبنت ناس"، مشيرًا إلى أن ردود فعل الجمهور كانت إيجابية جدًا، وأضاف:"الناس بتحب العلاقات اللي بتمشي بطريقة سليمة، وبتحب تشوف ارتباط رسمي مش لعب، وده اللي خلى الناس تدعيلنا وتباركلنا، وربنا يسعدنا ويباركلنا في الجواز".
"كبرت قدام الناس"
تحدث هشام جمال عن علاقة الجمهور بليلى أحمد زاهر منذ طفولتها قائلاً: "زوجتي كبرت قدام الناس في الدراما، علشان كده لما بيشوفوني في الشارع بيقولولي خلى بالك منها، لأنهم شايفينها لسه صغيرة"، موضحًا أن الجمهور يشعر تجاهها بحب وحماية نابعين من متابعتهم لمسيرتها الفنية منذ أن كانت طفلة في أعمالها الأولى مع والدها الفنان أحمد زاهر.
"طلبت كتب الكتاب بعيد عن الفرح"
أما عن تفاصيل الزفاف، فكشف هشام جمال أن أكثر ما طلبته ليلى منه هو أن يكون كتب الكتاب في يوم منفصل عن الفرح، مشيرًا إلى أنه احترم رغبتها لأن الفكرة كانت تعبّر عن شخصيتها البسيطة والهادئة.
وقال: "كان هدفى أعملها فرح تكون مبسوطة بيه، وحاولت أختار مكان شبه اللي كانت نفسها فيه، بس لما رحت أحجز لقيته مغلق، فحاولت أعمل حاجة قريبة منه، والحمد لله الفرح عجبها وعجب الناس".
"فرح على قدنا وشبهنا"
وأضاف جمال أن الحفل جاء بسيطًا لكنه يحمل طابعًا خاصًا: "عملنا الفرح اللي يرضينا ويشبهنا ويشبه أهلنا، لأننا كنا عايزين يوم مميز يفضل في ذاكرتنا مش بسبب البهرجة، لكن عشان الصدق والفرحة اللي فيه".
ووجه هشام جمال رسالة لزوجته قال فيها: "ربنا يخليكي ليا يا ليلى، ودايمًا تبقي مبسوطة"، لترد ليلى قائلة:"وأنت كمان يا هشام.. ربنا ما يحرمني منك".
