أكرم القصاص: وعي الشعب درع حقيقي ضد الشائعات.. والرئيس بيكلم الناس بوضوح

قال الكاتب الصحفي أكرم القصاص، إن وعي الشعب المصري وصبره كانا العامل الأساسي في حماية الدولة من حرب شائعات ممنهجة، استهدفت كيانها واستقرارها منذ عام 2011 وحتى الآن.

 الشائعات لوحدها كفيلة إنها توقع دول كاملة

وأوضح القصاص، خلال مداخلة هاتفية مع الإعلامية عزة مصطفى، في برنامج الساعة 6 على قناة الحياة، إن الشائعات لوحدها كفيلة إنها توقع دول كاملة، مشيرًا إلى أن هناك "منصات بتتصرف عليها مليارات علشان تنشر أكاذيب وتزعزع استقرار البلد".

وأوضح أن عدد قليل بس هو اللي ممكن يقع في فخ الشائعات دي، لكن الأغلبية عندها وعي وخبرة كافية تخليها تفرّق بين الصح والغلط، وتابع قائلًا: "الناس بقت فاهمة، وبقى عندها قدرة على فرز المعلومات وتحديد موقفها، وده هو اللي حمى البلد فعلًا".

وأشاد "القصاص" بأسلوب الرئيس عبد الفتاح السيسي في التواصل مع المواطنين، مؤكدًا أن خطابه الصريح والواضح بيعكس احترام كبير للرأي العام، خاصة في ظل الأعباء الاقتصادية اللي بيتحملها المواطن حاليًا.

 الرئيس يحرص دايمًا على توضيح الأسباب وراء القرارات الصعبة

وأشار إلى أن الرئيس يحرص دايمًا على توضيح الأسباب وراء القرارات الصعبة بلغة بسيطة الناس تقدر تستوعبها، ونوه إلى أن ده بيحصل في الوقت اللي بعض المسؤولين "لسه بيرتبكوا أو بيقدموا إجابات متداخلة مش مفهومة".

وأضاف القصاص:" المعلومة هي القاتل الحقيقي لأي شائعة، وطالما الناس عارفة الحقائق، هتقدر ترد بنفسها على أي كلام مضلل"، داعيًا الحكومة وكل المسؤولين إنهم يمشوا على نفس مستوى الشفافية والوضوح اللي بيتبعه الرئيس في كلامه مع الناس.

واختتم تصريحاته بالإشارة إلى أن الرئيس دايمًا بيربط التحديات اللي بنواجهها دلوقتي بتجارب تاريخية عظيمة، زي نصر أكتوبر 1973، علشان يؤكد إن المصريين قادرين يتخطوا أي أزمة، مهما كانت صعبة، ويحققوا اللي الناس بتقول عليه "مستحيل".

وفي وقت سابق، قال الرئيس عبد الفتاح السيسي، إنه سعيد بهذه المناسبة العظيمة لانتصارات حرب أكتوبر المجيدة، منوهًا إلى أن مصر حققت إنجازات كبيرة خلال هذا الشهر، كما أنه له طعم مختلف، خاصة أنه تم إيقاف فيه حرب في غزة.

مصر بذلت جهود كبير من أجل وقف إطلاق النار في غزة

وأوضح خلال كلمته في الندوة التثقيفية للقوات المسلحة، أن مصر بذلت جهود كبير على كافة المستويات والأصعدة من أجل وقف إطلاق النار في غزة، كما وجه بالشكر للرئيس ترامب على جهوده لدعم مساعي وقف الحرب.