اعترافات «سلمي» في قضية الفعل الفاضح.. كواليس ليلة الملهى الذهبي وطريق المحور

ينفرد موقع «نيوز رووم» بنشر أقوال «سلمي»، إحدى المتهمات في القضية رقم 13218 جنح كرداسة، المعروفة إعلاميًا بـ«قضية الفعل الفاضح على طريق المحور»، والتي كشفت في تحقيقات النيابة العامة تفاصيل جديدة عن الواقعة التي أثارت جدلًا واسعًا خلال الأيام الماضية.

اعترافات سلمي في فيديو الفعل الفاضح

وكشفت تحقيقات النيابة العامة في القضية رقم 13218 جنح كرداسة، المعروفة إعلاميًا بـ«قضية الفعل الفاضح على طريق المحور»، عن تفاصيل جديدة مثيرة، بعدما تداول رواد مواقع التواصل مقطع فيديو يوثق لحظة ضبط شابين وثلاث فتيات داخل سيارة ملاكي أثناء ارتكابهم فعل مخل بالآداب في الطريق العام.

وقالت «سلمي »، 24 عامًا، إنها كانت برفقة عدد من أصدقائها في ملهى ليلي شهير يُدعى «الذهبية» بمنطقة العجوزة، لقضاء سهرة عادية، موضحة: اللي حصل إني كنت سهرانة مع أصحابـي في ملهى الذهبية في العجوزة، وبعد ما خلصنا طلعنا نشرب حاجة، وركبت جنب صديقتي في العربية، وكان باقي المجموعة راكبين معانا.

وأضافت سلمي في أقوالها أمام النيابة: وأثناء الطريق فوجئنا بشخص ماشي جنبنا بعربية تانية، وكان بيصورنا بالموبايل، فصاحب العربية اللي معانا نزل عشان يشوف بيصور ليه، وحصلت مشادة بينه وبين الراجل ده، اللي بدأ يشتمنا بألفاظ خارجة ويقولنا "يا شوية شراميط"، وبعدها مسك حجر وضرب بيه الفانوس بتاع العربية وكسره، فحصلت خناقة بينه وبين الشباب اللي معانا، والناس اللي كانت هناك تدخلت وفصلوا بينهم، وبعدها ركبنا العربية ومشينا.

وتابعت سلمي قائلة: وفي اليوم اللي بعده، حوالي الساعة 3 الفجر، جه حد من الشرطة وخدوني من البيت وودّوني على قسم الشرطة، وهناك عرفت إن في فيديو نزل للواقعة.

وأكدت أن الواقعة حدثت صباح يوم الخميس الموافق 2 أكتوبر 2025، في تمام الساعة 7:15 صباحًا، بطريق محور 26 يوليو في اتجاه الشيخ زايد دائرة مركز شرطة كرداسة.

وأوضحت سلمي سبب تواجدها في المكان قائلة: كنا رايحين نكمل السهرة عند وصلة دهشور في أكتوبر ونقف شوية هناك ونشرب حاجة.

وعن علاقتها ببقية الأطراف، ذكرت: اللي كانوا معايا أصحاب من زمان، وأنا أعرفهم كلهم من أيام سكننا في فيصل.

وتختتم أقوالها قائلة: ده كل اللي حصل، ومفيش أي نية كانت للفعل الفاضح، كنا راكبين عادي، لكن حصل سوء فهم والموقف اتطور.