ياسمين عز تسخر بطريقتها من شكوى الزوجات: "هاتوا بندول جولد بدل النكد"

أثارت الإعلامية ياسمين عز الجدل من جديد خلال حلقة جديدة من برنامجها "كلام الناس" المذاع عبر قناة MBC مصر، بعدما قدمت فقرة ساخرة تحدثت فيها عن "وجع الرأس الزوجي" بين الأزواج، مستخدمة أسلوبها المعروف بالمبالغة الطريفة والمقارنة الجريئة بين الأدوية والنكد الزوجي.

بنادول جولد".. الحل الذهبي لأوجاع الزوجات!

بدأت ياسمين حديثها قائلة: "لما مراتك تصدع، محدش يقولها هات باندول الأحمر، ده بيعلي الضغط، ولا الأزرق اللي مالوش تأثير.. هتلاقي الحل في باندول جولد، اللي هو سلسلة دهب!"

وأضافت مازحة أن "باندول جولد" مش بس مسكن للصداع، لكنه كفيل يخلي الزوجة تجري في البيت فرحانة وتنسى النكد، مشيرة إلى أن السبب الحقيقي وراء اختراع أدوية الصداع هو وجود الرجال في الحياة ، وقالت : "لولا الرجالة، الراجل اللي اخترع الباندول كان فلس من بدري!"

"طبطب.. وما تبخلش بـ200 جنيه"

  وتابعت ياسمين عز حديثها عن العلاقة بين الزوج والزوجة : "اللي تصدع في شرم الشيخ، جوزها يديها 200 جنيه، اللي في القاهرة يطبطب بس! ما تبخلش، قول لمراتك كلمة حلوة، ولا اتشليت؟"

وأكدت الإعلامية أن التعامل بلطف وهدوء مع الزوجة أفضل من الدخول في جدال لا ينتهي، معتبرة أن "الكلمة الطيبة والاهتمام" هما العلاج الحقيقي لكل الخلافات الزوجية.

رسالة ياسمين عز: "الرجولة مش أوامر.. الرجولة حنية"

وفي ختام الفقرة، وجهت عز رسالة إلى الأزواج قائلة: "الرجولة مش بس أوامر ولا تعليمات، الرجولة حنية واهتمام طبطب على مراتك، خليك دايمًا السند اللي يطمنها."

واختتمت حلقتها قائلة إن "باندول جولد" مش دواء من الصيدلية، لكنه "رمز للتقدير والدهب اللي جوا كل علاقة ناجحة".

وفي وقت سابق ،قالت الإعلامية ياسمين عز، "أنتي كشيماء اليومين دول عاوزاكي تستغلي إن كل الرجالة مبسوطة من فوز المنتخب إمبارح على جيبوتي واعملي تسريحة حلوة، وحلفي جوزك بحياه زيزو وقوليله هاتلي كردان، واضحكي عليه ومضيه علي توكيل عام إدارة.

 ياسمين عز: أنتي قادرة يا شيماء وتعمليها روحي

وتابعت:" أنتي قادرة يا شيماء وتعمليها روحي قوليله وحياة مو صلاح، هاتلي عربية فور باي فور ولما يزعل شغليله رقصة الحونجلة بتاعت محمد صلاح واستغلي الفرص وده الوقت المناسب اللي الراجل مبسوط فيها عشان المنتخب.