تحذير ياسمين عز لـ«محمد صلاح» قبل المونديال: "ابعد عن راموس.. بيغير منك"

قالت الإعلامية  ياسمين عز إن لديها "نصيحة لمو صلاح بيني وبينه على الملأ كده" قبل انطلاق كأس العالم بثلاثة أشهر، حيث وجهت  حديثها للاعب الدولي محمد صلاح، مطالبة إياه بـ "ما تلعبش مع أي فرقة فيها راموس أو أي حد شبهه".

وأضافت خلال تقديم برنامجها "كلام الناس" على قناة "mbc مصر"، أن اللاعب راموس "بيغير منك خلي بالك، وبينشن على كتفك"، مؤكدة أن صلاح يمثل قيمة كبرى للمنتخب، مشددة: "من غيرك ومن غير كتفك المنتخب مش ليه طعم".

وتابعت نصيحتها العاجلة بالقول: "أنت ملح المنتخب، فخلي بالك من نفسك وأبعد عن راموس دا خالص قبل كأس العالم بـ3 شهور، وربنا يوفقكم جميعا".

وأكدت أن تأهل منتخب مصر إلى كأس العالم يعد إنجازًا عظيمًا يستحق الفخر، مشيدة بالأداء البطولي للجهاز الفني بقيادة العميد حسام حسن واللاعبين الذين أسعدوا الجماهير المصرية.

وقالت: “مصر صعدت كأس العالم.. تعظيم سلام! كل اللي اتقال إشاعات، العميد ومحمد صلاح إخوات، ومفيش أي خلافات زي ما الناس كانت بتقول".

"مين عنده صلاح ومرموش وتريزيجيه زينا؟!"

واصلت ياسمين حديثها قائلة: “لا تقولي برازيل ولا إيطاليا، مين عنده صلاح ومرموش وتريزيجيه زينا؟ دول رجالة وشرفونا، واللي بيهاجم حسام حسن أهو اتأهل، وخلينا نفتكر إننا دايمًا بنوصل عشان عندنا عزيمة مش عادية".

وأضافت أن الفوز والتأهل لم يأتيا من فراغ، مؤكدة أن المنتخب المصري يمتلك شخصية قوية وثقة في النفس تجعله دائمًا في الصفوف الأولى إفريقيًا وعالميًا.

"احنا رايحين أمريكا عشان نكسب"

قالت الإعلامية: "إحنا مش رايحين نشارك وخلاص.. إحنا رايحين أمريكا عشان نكسب ونفرّح الناس. ومحدش يقولي إحنا لاعبنا فرق صغيرة، إحنا طول عمرنا بنتأهل وبنثبت نفسنا".

ودعت الجمهور إلى دعم المنتخب وتشجيع اللاعبين في المرحلة المقبلة، مؤكدة أن المنتخب يستحق كل تقدير على الجهد والالتزام. 

نصيحة ياسمين عز لمحمد صلاح

واختتمت ياسمين عز حديثها برسالة طريفة إلى نجم المنتخب المصري محمد صلاح قائلة: “نصيحة مني يا صلاح.. قبل كأس العالم بثلاث شهور، متلعبش مع أي فرقة فيها راموس! الواد ده بيغير منك، وابعد عنه خالص”.