هشام ماجد : أحمد فهمي كان عايز يكسر قدمه وميصورش فيلم سمير وشهير وبهير
كشف الفنان هشام ماجد في برنامج وان تو وان عن كواليس فيلم سمير وشهير وبهير مستعينا بموقف صادم من أحمد فهمي الذي كان يريد كسر قدميه بسبب اختلاف في السيناريو مع المخرج معتز التوني .
هشام ماجد
وقال هشام ماجد : أحمد فهمي اتخانق مع المخرج معتز التوني في "سمير وشهير وبهير" بسبب اختلافهم على حاجة في السيناريو، وأنا كنت في شرم الشيخ، وكل واحد يتصل يشكيلي من التاني .
وأضاف : فهمي قالي أنا مش هصور، هكسر رجلي ووديني المستشفى نعمل شهادة، طبعا حل ساذج جدا من فهمي لإن لو كسر رجله معتز مش خسران حاجة لو الفيلم متصورش، إحنا اللي خسرانين .
الخوف من العجز
وقال هشام ماجد خلال لقاءه مع وان تو وان : من وأنا صغير كنت دايمًا بقف قدام المرايا وأمثل، والدي ووالدتي كانوا بيتريقوا عليا ولما كبرت، فضلت برضه أمثل قدام المرايا، أنا دايمًا لما بعدّي في البيت ببص في المرايا، علشان أتأكد إن شكلي كويس، وإن لبسي مظبوط ولا لأ، وبصراحة أنا بحب المرايات اللي بتخليني أبان رفيع.
أما عن مخاوفه في طفولته قال: كان فيه أفلام بتخوفني زي فيلم ضربة شمس كنت بخاف من أداء الفنانة ليلى فوزي كانت مرعبة في الفيلم رغم إنها قدمت أعمال تانية وكانت جميلة فيها.
كما كشف ماجد خوفه الشديد من مرحلة الكبر قائلًا: أنا طول الوقت عندي فوبيا من الوقت ومش بحب العجز ولا المستشفيات خالص ، وأتمنى لما أوصل للوقت ده أكون قدمت أعمال تعجب الجمهور.
وتحدث عن شغفه بكرة القدم، حيث كشف عن أمنية قديمة له قائلًا: كان نفسي أكون لعيب كورة محترف، كنت على وشك أني أكون لاعب كويس، لكن سبتها بسبب الجامعة، وحاليًا مينفعش أرجع ألعب تاني زي زمان، لو رجع بيا الزمن، كنت هختار أكون لاعب كورة محترف مش ممثل.
وأردف هشام ماجد : أنا زملكاوي بسبب ماتش هو اللي خلاني أحب الزمالك حبيت الفرقة جدًا، ومن ساعتها وأنا زملكاوي وأعتقد لو الأهلي كان كسب الماتش مكنتش هكون أهلاوي.
