غادة عادل تكشف سر بكاءها مع ابنها عبد الله في مهرجان الغردقة|فيديو
علّقت الفنانة غادة عادل على لحظة بكائها في حفل افتتاح الدورة الثالثة من مهرجان الغردقة لسينما الشباب، مؤكدة أنها لم تتمالك نفسها أثناء تواجدها برفقة نجلها عبد الله، الابن الأوسط لديها.
وقالت الفنانة غادة عادل، خلال لقائها في برنامج "الصورة" مع الإعلامية لميس الحديدي على قناة النهار، "أنا في البيت مش بس أم لأولادي، لكن كمان صديقتهم وأختهم، وده شيء مريحنا كلنا".
وردّت غادة عادل على سؤال الإعلامية لميس الحديدي بشأن كونها أم مسيطرة في المنزل أم لا قائلة: "لا طبعًا، أنا صديقتهم كلهم وأختهم، مش بس أم لا بضيّقهم، ولا حد فيهم بيضيّقني".
وبشأن مشروع زواج أبنائها في المستقبل، مازحت قائلة: "محدش فيهم بيفكر في الجواز، إحنا مبسوطين كده مع بعض وهمّ خايفين يتجوزوا، فأنا اللي أتجوز!"، لترد لميس ضاحكة: "وفيها إيه يعني؟"، فأوضحت غادة: "ما هو علشان كده عملت الفيلم، يمكن يكون تمهيد ليهم".
وكشفت الفنانة غادل عادل حقيقة أن "يدق قلبها" مرة أخرى، قائلة: "زي ما قلنا في الفيلم، طول ما القلب بينبض، يبقى ممكن يدق تاني، وهيدق. ولو لقيت إنسان يستحق، أكيد هحبه".
وأضافت: "أي إنسان كويس، قلبه نظيف، أكيد هحبه، وأنا بحب الطيبين في حياتي كلها، حتى الناس اللي شغالين معايا، بحب الناس اللي عندها رحمة وعطاء، ومفيش مصالح. أي إنسان جواه المشاعر دي هحبه".
