أسما شريف منير عن ارتدائها الحجاب : ربنا قالي غطي نفسك
كشفت البلوجر أسما شريف منير، كواليس ارتدائها للحجاب، مؤكدة أهمية الحفاظ عليه، وذلك من خلال حسابها على إنستجرام.
أسما شريف منير تتحدث عن الحجاب
وشاركت أسما صورة لها بالحجاب، وكتبت : "شوفت بعيني جوزي وهو بيحس إنه لازم يحميني ..بيتقلب قلبه لو راجل بصلي بنظرة مش كويسة ..ولازم يصد عني أي أذى .. وكبرت وأنا بسمع أبويا بيحكيلي إزاي أصون جسمي .. إزاي كأب ممكن يضحي بنفسه علشان يحافظ عليا".
وتابعت : "طب لو دي مشاعر جوزي وأبويا .. أمال ربنا، اللي خلقني وبيحبني أضعافهم كلهم ..هيعمل إيه علشان يحميني من شياطين الإنس والجن؟ .. ربنا ببساطة قالي غطي نفسك .. مش علشان يخنقني ولا يضيق عليا .. بالعكس علشان يكرّمني .. يصون قلبي قبل جسمي ..ويحميني من نظرات ممكن تجرحني أو تكسّرني".
واختتمت أسما شريف منير : "الحجاب مش قيد .. الحجاب أمان ..الحجاب مش منع، الحجاب ستر وكرامة .. هو ده حب ربنا .. حب بيحميني من اللي مش شايفين قيمتي".
ظهور أسما شريف منير مع أسرتها
ومن ناحية أخرى، شاركت البلوجر أسما شريف منير مؤخرًا، جمهورها بصورة عائلية دافئة، ظهرت فيها برفقة أفراد أسرتها خلال لقاء عائلي، وأرفقت أسما الصورة بتعليق مؤثر عبّرت فيه عن أهمية صلة الرحم والاهتمام بالعائلة.
ولاقى المنشور تفاعلًا واسعًا من متابعيها، الذين أشادوا برسالتها الإنسانية الداعية لرد الجميل للآباء والأمهات والتواصل المستمر معهم رغم ضغوط الحياة اليومية.
وجاء ذلك عبر بوست تم نشره على صفحتها الرسمية بمنصة "إنستجرام" قائلة : في وسط دوشة الشغل والحياة ساعات بنبعد عن أهالينا و بنفتكر كأنهم دايمًا موجودين. يمكن يكون في مشاكل او عدم تواصل يأو اختلافات بينا وبينهم، انتوا فاهمين قصدي جيلنا بالذات اهلينا كانوا ييرتجلوا في تربيتنا، رغم كل الزعل او الاختلافات، بس الحقيقة إن برّهم وصلة الرحم مش رفاهية، ده باب كبير من رضا ربنا".
وواصلت : "يعني حتى مكالمة صغيرة، كلمة لطيفه، زيارة خاطف كده، أو دعوة بليل… كل ده عند ربنا عبادة عظيمة وبركة في العمر والرزق. وفي الآخر، إحنا اللي محتاجين رضاهم ودعوتهم أكتر ما هم محتاجينها".
