محمد رمضان: دخول اسمي رسميا في المرحلة الأولى لجوائز جرامي
أعلن الفنان محمد رمضان دخوله المرحلة الأولى لجوائز جرامي بأغنية “أنا أنت”.
وكتب محمد رمضان عبر حسابه بموقع فيسبوك: “الحمد لله دخول اسمي رسمياً في المرحلة الاولى لجوائز جرامي بأغنية ( أنا أنت ) يعرف العالم قوة جمهوري بتوصل لفين .. الليلة التصفيات الأولى للمرشحين ثقة في الله أول جرامي هتوصل #مصر وسايبلكم الاكونت بتاعهم”.
وحققت أغنية “أنا أنت” نحو 6 ملايين مشاهدة منذ طرحها على يوتيوب، في 11 يونيو الماضي،
وتقول كلمات الأغنية:
أنا .. أنت .. أنا .. أنت
أنا بحضر .. أنت تقلب
أنا بنجح .. أنت تندب
أنا بحضر .. أنت تقلب
أنا بنجح .. أنت تندب
في الملعب ببقى ميسي
والجري جنبي يتعب
أنا بصرف انت تحسب
أرقام تخض ترعب
لو كل دول في كفة
الكفة بتاعتي تغلب
أنا بطلع .. أنت تنزل
أنا مافيا .. أنت هلهل
أنا بطلع .. أنت تنزل
أنا مافيا .. أنت هلهل
الناس تشوفني تفرح
إلا إنت مني تقفل
أنا أكمل أنت تفصل
الكلمة مني تشغل
الناس تشوفني سكر
وعينيك تشوفني فلفل
أنا .. أنت .. أنا .. أنت
أنا ثابت .. انت ترعش
انا دايس انت .. انت تنتش
أنا ثابت .. انت ترعش
انا دايس انت .. انت تنتش
عمرك ما تبقى زيي
انا جعفر .. انت اش اش
انا اجيبها وانت تقلش
افردها انت كشكش
على طول تاكل وتنكر
واديك تقول مخدتش
انا بركب .. انت تركن
انا لازم .. انت ممكن
انا راكب انت تركن
انا لازم انت ممكن
ملك الغابة بجلالته
يا حصان بتجري درجن
انا بحر وانت جركن
انا حوت يا سمكة سلمون
عـ الارض ليا هيبتي
والاسم بس يوزن
