ابنة شقيق سيدة الشاشة: عقوبات فاتن حمامة كانت حازمة وتربوية
قالت نادين حمامة إبنة شقيق الفنانة الراحلة فاتن حمامة، خلال حديثها عن تأثير عمّتها الفنانة الراحلة عليها منذ الصغر: «طول عمري أقعد أبصلها وأتفرج عليها، لابسة إيه، عاملة إيه؟ .. مسرحة شعرها إزاي، الحلق اللي لابساه، مشيتها، جزمتها، بقيت أروح لمامي أقول لها: مامي أنا عايزة حلق كبير، ترد عليا تقول لي ليه؟ كنت صغيرة جدًا، عشان ألبسها زي طنط فاتن».
«لدي رغبة في تقليد عمتي»
وأضافت بحماس خلال لقائها عبر برنامج «الستات مايعرفوش يكدبوا» المذاع على شاشة قناة السي بي سي: «وأروح رايحة أرد على التليفون بنفس طريقتها، تروح تخلع الحلق، تحط التليفون، تخلص، تلبسه تاني، وماشيه وليها ماشيه، كنت أحب أمشيها زيها».
رغبة في تقليدها في كل التفاصيل
موضحة أن لديها رغبة في تقليدها في كل التفاصيل، حتى في الملابس والأحذية: «كنت أحب أقلدها وأقول لها عايزة ميني جوب عشان ألبسها زيها وأعمل زيها».
طريقة تربية عمتي
أما عن تربية عمّتها، فذكرت موقفًا يعكس حزمها وشدتها: «في يوم من الأيام، كانت جدتي تحكي مع والدتها عن واحدة ثالثة، وماما ما حبتش تدخل في الكلام، التانية اللي كان الكلام عليها جات تاني يوم، فاتن الصغيرة راحت قالت لها: على فكرة طنط فلانة كانت هنا امبارح وقالت كذا وكذا، عقاب والدتها كان في منتهى الحزم، وما أذكرش إنه كان عقاب كبير قوي على طفلة زيها، لكنه علمها حاجة استمرت معاها طول العمر».
والدتي كانت حازمة جدا في كل الأمور
واختتمت كلامها بأن والدتها كانت حازمة جدًا في كل الأمور، حيث كانت العقوبات تشمل الحرمان من الطعام مع العائلة: «في موقف عاقبتني والدتي فيه لما رفضت أكل مع العيلة، وأكلت لوحدي في المطبخ، ده كان قاسي بالنسبة لي لأني كنت رقيقة من يومي، لكنه علمني أني أتجاهل الكلام اللي ما يخصنيش، وحتى لو كان بيخصني أعديه وأمشي، ما أعملش منه حوارات».
الحزم كان متوازنًا مع الحنية
وأكدت أن هذا الحزم كان متوازنًا مع الحنية، مما ساهم في تشكيل شخصيتها.
