"والله العظيم ما ولادي".. سيدة تستغيث من تسجيل أطفال بأسمها دون علمها | تفاصيل
علّق المهندس رامي الجبالي، مؤسس صفحة "أطفال مفقودة"، على قصة سيدة تُدعى سوزان، قالت إنها تزوجت رجلًا لمدة 6 شهور ، ثم انفصلت عنه عن طريق الخُلع من المحكمة.
وأضافت سوزان أنها بعد الانفصال اكتشفت وجود طفلين مُسجلين باسمها، رغم أنها لا تعرف عنهما شيئًا، ولا تعرف حتى من هي والدتهما، مما أثار استغرابها وطرح الكثير من التساؤلات حول كيفية تسجيل الأطفال باسمها دون علمها.
وجاء ذلك عبر بوست تم نشره على صفحته الرسمية بمنصة "الفيس بوك" قائلًا : والله العظيم ما ولادي ... انا لقيتهم متسجلين بإسمي و انا معرفهومش و لا اعرف حتي امهم !
وسرد رامي الجبالي فى تدوينة له من خلال حسابه عبر “فيسبوك” : “ دي حكاية سيدة إسمها سوزان، تزوجت راجل لمدة ٦ شهور و انفصلت عنه بخلع من المحكمة.. بعد طلاقها منه ب ٣ سنين فوجئت بوقف المعاش بتاع والدها اللي هي بتاخده من بعد طلاقها و بعد وفاة والدها. سألتهم، ليه يا جماعه المعاش بتاعي وقف ! كان ردهم انتي انت غير مستحقه للمعاش، لانك متزوجه و ماشاء الله لسه مخلفه توأم من جوزك !”.
حاولت السيدة اقناعهم بأنها انفصلت عن زوجها بدعوى خلع منذ ثلاث سنوات ، وبعد تواصلها مع زوجها لفهكم الأمر رد قائلًا : “ أيوة أنا سجلتهم باسمك معلش ... اصل امهم بدون ورق و مكانش ينفع استلم الاطفال من الحضانه غير لما اديهم بطاقه ... و عمل اخطار ولاده مزور بإسم طليقته بصورة بطاقتها القديمه ... و استخرج شهادات ميلاد بإسمها !”.
وتابعت : “ نشبت مشادة كلامية بينها وبين طليقها وده خلاه يجيب عياله من زوجته التانيه و يتهجموا عليها في البيت، و فعلا يتم حبس الاب و عياله ٣ ايام ... و سوزان تطلب عيالها اللي معاهم (اللي هما مش عيالها) ... و فعلا الشرطه تسلمها الاطفال .. طيب ليه سوزان تعمل كده ... هقول لكم .. سوزان بتنزل بوست علي فيسبوك بصور الاطفال ... و بتسأل الناس، يا جماعه الولاد دي مش ولادي و مكتوبين بإسمي ... اللي يعرف دول ولاد مين يتواصل معايا !”.
وتابعت السيدة فى استغاثتها : " الراجل يخرج من الحبس بعد ٣ ايام و يقول هاتي الولاد ... فتقوله اسلمهم لك في القسم ... و تقول انهم مش ولادك !
و فعلا يروحوا القسم و يقول قصاد الكل انهم مش ولادها .. و يستلم الاطفال !
طيب الاطفال دي ولاد مين ؟ وليه تفضل بتعافر كل ده عشان تثبت انهم مش ولادها ؟ ولا أصلا ولاد زوجته الاولي ؟ و ليه يتوقف معاشها ؟ وليه الراجل ده ميتقبضش عليه و نعرف جايب الاطفال دي منين !! سوزان بتقول اعملوا ليا و لمراته الاولي و للأطفال تحليل dna ! عاوزه المعاش بتاعي .. و شوفوا الولاد دي جابهم منين .. مش يمكن مخطوفين! و يمكن أمهم عاوزاهم ... مش يمكن !! .. والله لا اولادي ... و لا اولاد زوجته الاولي ... و لا أعرف هو جايب الاطفال دي منين"..
وكانت قد نشرت صفحة "أطفال مفقودة" على موقع التواصل الاجتماعي فيسبوك صورة لفتاة مشردة تُدعى جومانا، تدعو من يتعرف عليها إلى التواصل مع الصفحة. وأوضحت الصفحة أن الفتاة تم العثور عليها بتاريخ 15 يونيو 2025 في محيط شارع الأهرام بجوار سينما "نور ماندي" بمنطقة مصر الجديدة في القاهرة، وتبدو عليها علامات اضطراب نفسي.
ودعت الصفحة، عبر رمز الكود 2506154، كل من يملك معلومات عن الفتاة إلى التوجه بالرسائل عبر الصفحة للمساعدة في تأمينها ورعايتها.
وفي سياق متصل، نشرت الصفحة مأساة إنسانية مؤلمة لطفلة تُدعى "فاطمة"، تعرضت وأمها للعنف الشديد من قبل زوج والدتها، الذي تعدى عليهما بالضرب والحرق في أماكن متفرقة من جسدهما. وحاولت الطفلة الهروب من المنزل، لكن زوج الأم تعقبها في الشارع وهدد من يحاول التدخل، وأعاد احتجازها بالقوة.
وأكد المهندس رامي الجبالي، مؤسس صفحة "أطفال مفقودة"، أن الطفلة تعيش حالة رعب مستمرة بسبب الإيذاء المتكرر، حيث تعرضت لحروق متعددة، وحلق شعرها قسرًا. وذكرت الأم لمن حاول مساعدتها من الأهالي بأنها تفضل البقاء في المنزل رغم العنف، خوفًا من الشارع.
ودعا الجبالي الجهات المعنية، وعلى رأسها النيابة العامة ووزارة الداخلية ووزارة التضامن الاجتماعي عبر خط نجدة الطفل، إلى سرعة التدخل لإنقاذ الأم وطفلتها فاطمة، وتوفير الحماية اللازمة لهما.
نص منشور صفحة «أطفال مفقودة»:
«ماما ملهاش دعوه والله ده عادل، والله ماما ما ليها دعوه، هي بتنضرب زيي، دي فاطمه، ضحية زوج والدتها اللي حابسها في البيت و حارقها تقريبا في كل حته في جسمها، رقبتها و ضهرها ورأسها وحتي إيدها الصغيره محروقه ومتعذبة، ده غير شعرها اللي مقصوص زي ما انتم شايفين.
فاطمه قدرت تنزل الشارع وشافتها واحده من الجيران بالمنظر ده فإتكلمت معاها وعرفت منها حقيقة اللي بتتعرض له فاطمه.
زوج الام لما إكتشف ان الطفله مش في البيت نزل جري يكور عليها و طبعا اول ما شافها قعد يتوعد لها ويتوعد لأي حد هيحاول يساعدها.
فاطمه إيدها بتترعش بشكل حزين جدا، فاطمه مش بتأكل، فاطمه محتاجه مساعده دلوقت حالا لانها دلوقت روحت مع زوج والدتها علي البيت.
ملحوظه: سألنا الام ليه مستحمله كل ده، كان ردها معنديش مكان تاني اروح فيه، اكيد وجودي في البيت ده و الضرب اهون من الشارع. الصفحة الرسمية لوزارة الداخلية Egyptian Public Prosecution النيابة العامة المصرية خط نجدة الطفل 16000 عاوزين نلحقها النهارده ... و انا متأكد من سرعة الاستجابة».
في سياق متصل، فعلت وزارة الداخلية، خدمة جديدة لشرطة النجدة لسرعة الاستجابة للبلاغات الطارئة، بسيارات متطورة وكوادر مدربة للتعامل مع البلاغات الفورية.
