عامل سيرك طنطا: سامحت أنوسة كوتة لوجه الله.. والأخيرة ترد: هتفضل أخويا الصغير
أكد محمد البسطويسي عامل سيرك طنطا، عن حل الخلاف بينه وبين مدربة الأسود أنوسة كوتة وتصالحهما، حيث قال البسطويسي في مقطع فيديو: “سامحت أنوسة أختي الكبيرة لوجه الله، وإحنا أخوات وكان سوء تفاهم لأنها مكانتش سألت عليا، ودلوقتي سألت عليا، ومفيش أي حاجة”.
من ناحيتها ردت أنوسة كوتة وكتبت عبر حسابها بموقع فيسبوك: “وأنت هتفضل أخويا الصغير، ربنا يتمم شفاك على خير”.
وجاءت التعليقات على الفيديو كالآتي: “حاولوا تساعدوه يفتح أي مشروع صغير يدخله دخل ليه ولأسرته ولأولاده لو عنده أولاد الحياة بقت صعبة جدًا”، “المهم لو تقدر تساعديه في أي مشروع ليه يكون أفضل، ولو طبعا يتركب ليه طرف صناعي”، و"لا حول ولا قوه إلا بالله العلي العظيم المسكين مقابل الفلوس والـ ٤٠٠ ألف انظغط عليه عشان دراعه اللي راح يا عينى لو كنت صبرت كنت هتحطها في السجن وكنت هتاخد أكتر يالا الله يعوض عليك يا مسكين".
وتدخل وسطاء ونجحوا في الصلح بين الطرفين، وتم الاتفاق على دفع أنوسة كوتة تعويض مادي 400 ألف جنيه لعامل السيرك الذي فقد ذراعه في واقعة سيرك طنطا، مقابل تنازله عن الشق المدني والجنائي، والتصالح مع المدربة نظراً لصدور حكم بحبسها 3 شهور و100 ألف جنيه على سبيل التعويض المدني المؤقت.
وسبق وكشف عامل سيرك طنطا أنه الصلح تم بالتراضي بينه وبين أنوسة كوتة، مشيرًا إلى أنه سيستخدم المبلغ الذي أخذه تعويضًا من أنوسة في سداد ديونه وزواجه.
