محمد علي رزق ونجوم الفن في ضيافة السفير التركي بمنزله
نشر الفنان محمد علي رزق صورا له برفقة سفير تركيا في منزله مشيرا إلى حفاوة الاستقبال وكرم ضيافة السفير بالإضافة إلى وجود بعض نجوم الوسط الفني أيضا .
وكتب محمد علي رزق : تشرفت بدعوة كريمة من سعادة سفير جمهورية تركيا لتناول الغداء في منزله، خالص الشكر والتقدير لسعادته على حفاوة الاستقبال وكرم الضيافة.
وكان علق الفنان محمد علي رزق على تصريحات الفنان السوري سلوم حداد، التي أثارت جدلًا كبيرًا خلال الساعات الماضية، بشأن عدم إتقان غالبية الممثلين المصريين، اللغة العربية الفصحى.
فيه فنانين مصريين كتير بيتكلموا لغة عربية فصحى صحيحة مليون٪
وكتب محمد علي رزق عبر حسابه بموقع إنستجرام: “طب هرد بجد أهو يا جماعة علشان لما اتريقت قولتولي إزاي تسخر من أستاذ سلوم حداد…مع إنه أعطى لنفسه الحق إنه يتريق على الفنانين المصرين. يا أستاذ سلوم حضرتك غلط. فيه فنانين مصريين كتير بيتكلموا لغة عربية فصحى صحيحة مليون٪ . و تقدر تشوف آخر عمل تم تقديمه في مصر باللغة العربية”.
تقدر تيجي مصر وتشوف دكتور يحيى الفخراني هو وكل كاست مسرحية الملك لير
وأضاف محمد علي رزق: "حضرتك تقدر تيجي مصر وتشوف دكتور يحيى الفخراني هو وكل كاست مسرحية الملك لير وهم بيمثلوا باللغة العربية الفصحى
حضرتك ممكن تنورنا في تعمل جلسة نقاش فني باللغة العربية الفصحى مع أستاذ أحمد ماهر وهو لوحده كفاية عليك. حضرتك تقدر تيجي تنورنا وتشوف ستديوهات الدوبلاچ اللي مليانه شباب بتعمل دوبلاچ باللغة العربية الفصحى".
وتابع: “حضرتك تقدر تلف على مسارح مصر وأنت تشوف الهواه قبل الأكاديميين وهما بيمثلوا باللغة العربية الفصحى. فيا ريت حضرتك متتكلمش عن حاجة أنت مش عارفها. وشكرًا”.
أصعب اللحظات في حياة محمد علي رزق
في لحظة مؤثرة ومليئة بالشجن، كشف الفنان محمد علي رزق لأول مرة عن واحدة من أصعب اللحظات في حياته، وهي وفاة والده قبل زفافه بأربعين يومًا، وذلك خلال ظهوره في البرومو الثاني من برنامج "بعد الغياب"، الذي تقدمه الإعلامية يارا أحمد، ويُعرض عبر جميع منصات التواصل الاجتماعي.
