شقيقة مسلم تهاجم طليقته: “اتجوزتِ 4 مرات.. وسعرك 40 ألف في الإعلان”
هاجمت آية زكريا، شقيقه مطرب المهرجانات مسلم، طليقة أخيها، مؤكدة أنها لم تعد قادرة على السكوت بعدما شعرت بالظلم، وواصفة طليقة مسلم بالكذابة وأن دافعها المال والريتش.
قالت آية في استوري على "انستجرام": "انتو اللي وصلتوني لكده لما اشوف اني مظلومه وساكته فعلا وانتو تصدقو شخصيه كدابه وعيزا تخلص على اخويه هحارب حته لو فيها موتي، كونتي بتعملي كل ده عشان الرتش والفلوس ومالو، بس تبلي غيرك اللي شقيان بالحلال يبقا نتكلم لا وهنسمع كمان".
وطالبت الجمهور بعدم الانخداع بها، وتحديد من يكسبون بالغش ومن يكسبون بالحلال، ذاكره: "تعالي بقا نتكلم عن الجوع - والفلوس والرتش والشهر والكلام الحلو ده، صدقيني انا كونت سكتها عشان اخويه بس والله والله مخليكي انتي حد يبص في وشك واه بنسبا لناس !؟، الناس دي غلابه ي ماما بيضحك عليهم من وحده زباله زيك، ده انا هنزل كل حاجه وبدال هما شايفني خرابه وكل الكلام الحلو ده يبقا حقيقه بقا، واهو على الأقل ابقي اثبت وبدافع عن نفسي".
وقالت آية زكريا شقيقة مسلم فى استورى لها عبر انستجرام: “ انتى بتقولى انك اتجوزتى اخويا بس وانا بقولك انك اتجوزتى ٤ مرات وهطلع كل حاجة بالمستندات”، ولم تكتف آية بهذا الأمر بل قامت بنشر صور ليارا مع رجال اخرين غير مسلم فى اشارة منها لعلاقتها بهم قبل الزواج.
وفي سياق متصل، خرج المطرب مسلم في بث مباشر عبر حسابه على موقع تبادل الصور والفيديوهات إنستجرام بعد مرور 24 ساعة فقط على انفصاله عن زوجته السابقة يارا تامر، ليتحدث لأول مرة عن أسباب الطلاق وكواليس حياته الخاصة، مؤكدًا أنه لا يبحث عن التعاطف أو إثارة الجدل من وراء أزمته.
مسلم يكشف حقيقة تعرضه لوعكة صحية
في بداية حديثه، شدد مسلم على أنه لا يهتم بإظهار معاناته للناس، قائلاً: “أنا مش هممني أقول للناس أنا تعبان ولا فيا إيه.. الناس لا بتأكلني ولا بتشربني. كفاية خوفي من ربنا إني أقول على نفسي حاجة محصلتش”، موضحًا أنه شخص كتوم لا يحب الشكوى، وأن ذلك يجعله يتأثر بشدة عند مروره بمشاكل أو ضغوط نفسية.
سبب الطلاق ليس أهل مسلم
وعن سبب الطلاق، كشف مسلم أن انفصاله عن يارا جاء بعدما شعر بأنها لم تحترمه في فترة غيابه ومرضه، قائلاً: “أنا طلقتها بسبب إنها محترمتنيش في عز غيابي وتعبي.. وطلعت تتكلم في موضوع أنا كنت حالف إنها متتكلمش فيه”.
لكنه في الوقت نفسه أكد أنه لا يحمل لها ضغينة، وأضاف: “يارا ربنا يكرمها، كانت إنسانة محترمة جدًا معايا وماقصرتش في حاجة، بالعكس كانت بتساعدني كتير في حياتي، ومشفتش منها حاجة وحشة ولا حاجة تقلل من كرامتي”. كما نفى تمامًا أن يكون الطلاق بهدف “التريند”: “أنا مش هطلق مراتي وأخرب بيتي عشان أعمل تريند. أنا اتجوزت 3 مرات ومارجعتش لحد ولا عملت تريند”.
