محدش بيسأل على كارنيهات.. اعترافات المتهم بأداء الامتحان بدلا من رمضان صحبي
حصل موقع «نيوز رووم» على نص التحقيقات الكاملة في القضية التي حملت رقم 6407 لسنة 2025، والمتعلقة بأداء شخص الامتحان بدلًا من اللاعب رمضان صبحي داخل معهد الفراعنة بالجيزة.
اعترافات المتهم بأداء الامتحان بدلا من رمضان صحبي
وكشفت التحقيقات تفاصيل جديدة، حيث تبين أن اللاعب رمضان صبحي اتفق مع آخر على المثول في لجان الامتحانات بدلًا منه، مبررا ذلك بانشغاله والتزاماته الكروية، وهو ما اعتبرته جهات التحقيق تزويرا صريحا.
وجاءت أقوال المتهم خلال التحقيقات بالاتي
اسمي يوسف محمد واعمل بكافيه المندرة بالسيدة زينب
س: ما ظروف نشاتك الاجتماعية تحديدا؟
ج انا مولود في أسرة مكونة من اب وام واخ اكبر منى و اختین اصغر منی.
س وما هو مؤهلك الدراسي تحديدا؟
ج انا حاصل على بكالوريوس نظم ومعلومات. .
س وفى اى عام تحديدا؟
ج عام ٢٠٢٤
س وماهى جهة حصولك على ذلك المؤهل الدراسي؟
ج انا حصلت على بكالوريوس نظم ومعلومات من معهد القاهرة العالى للغات والترجمة ويقع في المقطم شارع الاكاديمية من شارع ..
ج: لا الاتنين مختلفين.
س وهل المعهد سالف البيان ذات التخصص لمعهد الفراعنة للسياحة؟
س: ما هي ظروف ضبطك واحضارك وعرضك علينا ؟
ج اللى حصل انى عارف واحدة اسمها منة و متصاحب عليها من يومين و امبارح كان عندها امتحان في معهد الفراعنة للسياحة ورحت وصلتها لجوا المعهد لحد باب اللجنة وبعدين وانا خارج لقيت أستاذ عصام من المعهد وقفني وقاللي هات الكارنية بتاعك " و لما قلتله مش معايا راح مسكنى من التي شيرت وقاللي " انت دخلت المعهد ازاى " وضربني على وشي ورحت انا زقيته في صدره والناس اتلمت وكلمه واحد اسمه العمدة اللى هو اسمه محمد إبراهيم و راح جه و اخدونى طلعوني على فوق في الدور الثالث أو الرابع تقريبا و قعدوني شوية في الطرقة و بعدين لقيتهم جابو ورقة و مضوني عليها من غير ما اقراها و بعد كدة اخدونى مكتب تاني و مضوني على ورقة تانية و قعدت حوالي ساعة أو ساعة ونص و بعدين ودوني على القسم وفي القسم قعدنا شوية وقلت اللى حصل معايا وبعدين مضوني على المحضر و جابونى انهاردة على النيابة ودة اللى حصل .
س متى وأين حدث ذلك؟
ج الكلام دة حصل امبارح ٢٠٢٥/٥/١٣ الساعة 9 الصبح تقريبا في معهد الفراعنة للسياحة والفنادق.
س وما سبب ومناسبة تواجدك بالزمان والمكان سالفي الذكر؟
ج انا كنت رايح أوصل واحدة صاحبتي المعهد.
س وما هي بيانات سالفة الذكر تحديدا ؟
ج اللي اعرفه ان اسمها منة و معرفش عنها حاجة تانى لأنى لسة مصاحبها من يومين
س: وما هو رقم هاتف سالفة الذكر تحديدا؟
ج مش فاكره
س وهل سالفة البيان من المقيدين بالمعهد محل الواقعة؟
ج ايوة هي في سنة ثالثة شعبة سياحة.
س ومن كان برفقتكم انذاك؟
ج كنا لوحدنا
س وما هي طبيعة العلاقة التي تجمع بينك وبين سالفة البيان ؟
ج احنا اصحاب.
س وما هي مدة تلك العلاقة تحديدا؟
ج من يومين.
س وما كانت وسيلة تواصلكم تحديدا؟
ج كنا بنتكلم في التليفون.
س وهل استخدمتم ثمة برامج وتطبيقات خاصة من تطبيقات وسائل التواصل الاجتماعي الحديثة؟
ج: لا.
س وهل تلك المدة القصيرة كافية في حد ذاتها لخروجكم رفقة بعضكم البعض ؟
ج هي كانت مرة بس مش بتحصل على طول
س ومن اين كانت بداية انطلاقكم وصولا لوجهتكم بالمعهد ؟
ج احنا ركبنا مع بعض من السيدة عيشة.
س وهل مازالت تلك العلاقة مستمرة؟
ج: لا قطعناها.
س وما الذي حال دون اتمامها ؟
ج بسبب اننا اتقبض عليا ومش عارف اتواصل معاها.
س وهل تحتفظ بثمة بيانات او ارقام خاصة بها بهاتفك المحمول والمعروض عليك سلفا بالتحقيقات ؟
ج: لا.
س وما هو الباسوورد الخاص بهاتفك المحمول و المعروض عليك سلفا والذى اقررت بملكيتك له ؟
ج في التليفون.
ج: لا.
س: وهل تحتفظ بثمة بيانات او ارقام خاصة بها بهاتفك المحمول والمعروض عليك سلفا بالتحقيقات ؟
ج: لا.
س وما هو الباسوورد الخاص بهاتفك المحمول و المعروض عليك سلفا والذي اقررت بملكيتك له ؟
."000000" ج هو ست اصفار
ملحوظة : حيث قمنا بكتابة الباسوورد الخاص بهاتف المتهم والذى ادلى به امامنا بتحقيقات النيابة العامة وتبين عدم إمكانية الدلوف الى الهاتف سالف البيان ورأينا اثبات ذلك تمت الملحوظة
ج ايوة .
س وهل كلمة السر " الباسوورد " سالف البيان هي الخاصة بهاتفك المحمول؟
س وما الذى يحول دون إمكانية الدلوف له؟
ج يمكن علشان هما جربو يفتحو فيه كتير فمش هنعرف نفتحه
س وهل من ثمة مانع لديك من الدلوف الى الهاتف خاصتك؟
ج: لا مفيش اى مانع.
س وما قولك فيما شهد به المدعو / عصام زكريا عاشور - أستاذ مساعد بقسم الدراسات الفندقية ووكيل معهد الفراعنة لشئون الطلاب - بتحقيقات النيابة العامة من قيامك بذكر ان الباسوورد الخاص بهاتفك هو ست خمسات " 555555 " و ليس كما ذكرت لنا سلفا "تلونا عليه ذلك تفصيلا" ؟
ج ممكن يكون اتغير
