عائشة بن أحمد: فيلم المهاجر وخالد النبوي سبب دخولي التمثيل
تحدث الفنانة التونسية عائشة بن أحمد عن سبب حبها للسينما ودخولها مجال التمثيل، مشيرة إلى أن فيلم المهاجر كان سببًا في حبها الشديد للسينما.
وقالت عائشة بن أحمد خلال لقائها في برنامج أسرار النجوم مع الإعلامية إنجي علي على نجوم إف إم: “المهاجر حببني في السينما، أبويا وداني السينما علشان اتفرج وقلت إيه العالم ده والصورة الحلوة دي وعمري ما هنسى وش خالد النبوي، وعندنا في تونس له جمهور وبيحبوه أوي".
من ناحيتها ردت إنجي علي: “أنا دخلت المهاجر سبع مرات وخالد النبوي أول ما طلع كان حاجة جديدة علينا كلنا، وكل الناس عاجبهم خالد النبوي جدًا وعاوزين يشوفوا خالد، وقتها سألت يوسف شاهين قال لي لازم تحبي الممثل علشان شكله كمان، مينفعش تجيبي ممثل شكله وحش أو هيكل عظمي علشان تحبيه”.
لترد عائشة بن احمد: “أنا مش موافقة على النقطة دي، تحبي شكله مش معناه شكله حلو، ممكن حد رفيع وكله عضم يتحب وعنده كارزما، الفكرة هو بيوصلك إيه”.
عائشة بن أحمد: أنا بيج فان لخالد النبوي
وكشفت عائشة بن أحمد أن خالد النبوي بيج فان لها، وقبل أن تشاركه في مسلسل النزوة كانت تتمنى أن تأخذ صورة معه حيث قالت: “قبل مسلسل النزوة بسنتين شفته في مهرجان الجونة كنت زي الطفلة الصغيرة، وصحابي قالوا لي في إيه انتي ممثلة برضه، روحت وأنا مكسوفة قلت له ممكن اتصور معاك”.
