بسبب عصام صاصا.. خناقة الزاوية الحمراء تشتعل بين زوجته وإحدى المعجبات
أثارت البلوجر جهاد أحمد زوجة مغني المهرجانات عصام صاصا، الجدل بنشرها إتهامات وتهديدات لفتاة مجهولة، لم تذكر أسمها بمنطقة الزاوية الحمراء بالقاهرة.
وقالت جهاد زوجة عصام صاصا في استوري نشرتها عبر حسابها على انستجرام: أنا الحمد لله، رغم إن كتير حاولوا يطلعوا صورتي وحشة عشان شوية مشاكل مع عصام صاصا، لكن عمري ما انكسرت ولا فرق معايا أي كلمة أو حرف اتقال عليا، وما كسرنيش غير غياب شخص عني 6 شهور"عصام صاصا".
زوجة عاصم صاصا تهاجم فتاة بمنطقة الزاوية الحمراء
وتابعت: بقالي 4 سنين على السوشيال ميديا، وناس كتير تعرفني وعارفين المديا عاملة إزاي، إني ست كويسة وعمري ما عيني اترفعت على حد غير زوجي ومش بخرج غير معاه أو مع أهلي، ولو خرجت مع صحابي بيبقى معايا حد من أهلي، عمري ما عملت مشكلة مع حد أبدا ولا زعلت حد، وكل القريب مني بيشهدلي إني براضي كل الناس.
وأضافت زوجة عصام صاصا :أنا عمري ما فرق معايا فلوس، مع أنه بيتقال كتير، وقادرة ا أثبت إني ست قوية، بس والله العظيم، سكوتي ده عشان أنا بكبر جوزي، وعشان أنا أكبر من كده بكتير.
وأردفت لكن ألاقي بنت بنظر على حياة غيرها، وتجيب سيرتي وسمعتي بالغلط يبقى لا.. لو عندك نقص من ناحيتي تمام.. ونظرات الناس لي في كل مكان غير نظرتهم ليكي.. ودعي حاجة بتوجع أنا عارفة.
فلو طمعانة في الراجل عادي اسيبهولك يومين تعويض الحرمان الرجالة اللي مش موجود في بيتكم، لكن خيالك جابك تطمعي في سيرتي ده بقى اللي ميتسكتش عليه.
واختتمت جهاد أحمد زوجة عصام صاصا رسالتها عبر اسنتجرام: غلاوة ابني اللي اختك عندها زيه بس انتوا مش عاملين لي حساب ولا لسمعته لما يكبر، أنا هخليكي تندمي ندم عمرك ‘نك فكرتي ترفعي عينك بس في عيني، لأن هيبقى الرد مش مني أنا بس هتلاقي كل ستات البيوت المحترمة بيردوا عليكي.
وأضافت في استوري أخرى: “البنات اللي في منطقة الزاوية الحمراء بالقاهرة يخلوا بالهم في تعبانة وأختها عايشين عندكوا”.
