لمياء أحمد راتب: مش هكتب "بوستات" عن والدي تاني.. وخصيمة أي حد كفرني

كشفت لمياء أحمد راتب أنها لن تكتب منشورات عن والدها الراحل مرة أخرى، بسبب التعليقات السلبية التي تتلقاها من البعض، والذين يطلبوا منها بالاكتفاء بالدعاء له، حتى أن البعض كفرها.

وكتبت لمياء أحمد راتب عبر حسابها الشخصي بموقع فيسبوك: "أنا مش هكتب أي بوست Public عن بابا تاني لأن الناس زي ما حضراتكوا شايفين كدة 
وبإذن الله أنا متأكدة إن ربنا هيسخر له الطيبين يفضلوا فاكرينه ويدعوا له، وأنا قدام ربنا هختصم أي حد كفرني عشان كتبت لأبويا جملتين من قصيدة مش بتاعتي".

وأضافت لمياء ابنة الفنان الراحل أحمد راتب: “بالنسبة للسادة أصحاب الصفحات أنا أهو بقول لحضراتكوا أنا مش أي حاجة غير واحدة عايشة بألم فقد والدها من 9 سنين ومعنديش حاجة تانية أقدمها لحضراتكوا ومعنديش ترند أعمله عشان حضراتكوا تشتغلوا عليه شكرًا”.

وكانت لمياء أحمد راتب، تذكرت والدها بكلمات مؤثرة، معبرة عن مدى اشتياقها له وحاجتها إليه، حيث كتبت كلمات من قصيدة جاء فيها: "لما أنت ناوي تموت وتصعب الموضوع ليه سيبتني أتعلق بحاجات هتبقى دموع؟ ليه يعني عودتني على حضن مش دايم؟ طب أديك أهو نايم وأنا صاحي بيك موجوع”.

لمياء أحمد راتب: محدش يزايد على وجعي فيما يخص بابا

لكنها تلقت بعض التعليقات التي أزعجتها، وهو الأمر الذي دفعها لكتابة منشور قالت فيه: "إلى كل متابعيني رجاء خاص من فضلكم..ممكن محدش يزايد على وجعي فيما يخص بابا؟  عشان كمية الرسايل اللي فيها كلام زي ادعي له وبس هو مش محتاج كلامك هو محتاج الدعاء، وحرام اللي بتعمليه، ومتعترضيش على قضاء ربنا ووصل الأمر إن ناس كفرتني”.

وأضافت لمياء أحمد راتب: “لو محدش جرب يعيش مع أب في حنيته ميزايدش عليا. واللي مداقش طعم الفقد والوحشة والعجز  ميزايدش عليا. اللي مشاعره جامدة وقلبه جامد وبيعرف يتخطى هنيئاً ليه بس ميزايدش عليا. الحمد لله أنا مسلمة ومؤمنة وحاشاه أن اعترض على قضائه ومتأكدة إن الملتقى ليس الدنيا وبدعي ربنا يجمعني بالنبي عليه الصلاة والسلام وبعده يجمعني بأبويا وأحبابي ويلحقني على الإيمان بمن سبقوني. أنا عايشة على فكرة زي كل الناس عادي بقالي 9 سنين والحياة ماشية لأن هي دي سنة الحياة. أنا مش واقفة بعيط للناس في الشارع ولا بقول لحد طبطب عليا".