في ناس كفرتني.. لمياء ابنة أحمد راتب ترد على منتقديها: أنا مسلمة ومؤمنة
تذكرت لمياء ابنة الفنان الراحل أحمد راتب والدها بكلمات مؤثرة عبرت فيها عن مدى اشتياقها له وحاجتها إليه.
وكتبت لمياء أحمد راتب عبر حسابها على موقع فيسبوك: “لما أنت ناوي تموت وتصعب الموضوع ليه سيبتني أتعلق بحاجات هتبقى دموع؟ ليه يعني عودتني على حضن مش دايم؟ طب أديك أهو نايم وأنا صاحي بيك موجوع”.
وفي منشور آخر طالبت من متابعيها عدم انتقادها والكف عن عبارات النصح فيما يخص منشوراتها عن والدها، حيث كتبت: “الأصدقاء والأحباب والمتابعين الكرام رجاء خاص من فضلكم..ممكن محدش يزايد على وجعي فيما يخص بابا؟ عشان كمية الرسايل اللي فيها كلام زي ادعي له وبس هو مش محتاج كلامك هو محتاج الدعاء، وحرام اللي بتعمليه، ومتعترضيش على قضاء ربنا ووصل الأمر إن ناس كفرتني”.
اللي مجربش يعيش مع أب في حنيته ميزايدش عليا
وأضافت لمياء راتب: “اللي مجربش يعيش مع أب في حنيته ميزايدش عليا. اللي مجربش يعيش وهو ناقصه حتة ميزايدش عليا. اللي مداقش طعم الفقد والوحشة والعجز وحاجات كتييييييير الكلام ميوصفهاش ميزايدش عليا”.
وتابعت لمياء أحمد راتب: "اللي مشاعره جامدة وقلبه جامد وبيعرف يتخطى هنيئاً ليه بس ميزايدش عليا. الحمد لله أنا مسلمة ومؤمنة وحاشاه أن اعترض على قضائه ومتأكدة إن الملتقى ليس الدنيا وبدعي ربنا يجمعني بالنبي عليه الصلاة والسلام وبعده يجمعني بأبويا وأحبابي ويلحقني على الإيمان بمن سبقوني. أنا عايشة على فكرة زي كل الناس عادي بقالي ٩ سنين والحياة ماشية لأن هي دي سنة الحياة".
وأكملت لمياء أحمد راتب: "الشرخ النفسي اللي غياب أبويا عمله ده محدش ليه الحق إنه يحكم على تعاملي معاه. أنا مش واقفة بعيط للناس في الشارع ولا بقول لحد طبطب عليا
أنا بعبر وخلاص...اه و خلاص لأن مفيش حاجة تاني. وتنتظروا شوية نكد كمان الفترة الجاية عشان مع دخلة البرد والشتا الموضوع بيتنيل أكتر. ادعوا له وجميع موتى المسلمين وربنا يبارك في أحبابكم جميعاً".
