مي فاروق مع ابناها في أول يوم دراسي: يا رب سنة مليانة نجاح
شاركت المطربة مي فاروق جمهورها صورها مع ابنتها ونجلها من أول دراسة، متمنية لهم التوفيق والنجاح.
وكتبت مي فاروق عبر حسابها بموقع إنستجرام: "أول يوم جامعة. أول يوم مدرسة. يا رب سنة جديدة سعيدة مليانة نجاح وستر وخير ليكم يا كل حاجة في حياتي. احفظهم يارب وأحفظ كل الاولاد لأهاليهم كل سنة وانتم طيبين".
وجاءت التعليقات على الصورة كالآتي: “ربنا يحفظهم وتكون بداية سنة سعيدة عليهم وكل ولادنا إن شاء الله. ربنا يبارك يا رب، ويديم المودة للأسرة كلها”، ,ايه ده الاتنين شبه حضرتك جدا ربنا يخلي يا رب ويوفقهم".
مي فاروق تحيي ذكرى رحيل والدتها
كانت مي فاروق أحيت ذكرى رحيل والدتها في منشور مؤثر عبر صفحتها الرسمية بموقع فيسبوك، حيث كتبت: "أمي الغالية. النهارده بقالك. 21 سنة سايباني.
ساعة ما سيبتيني كنت حاسة أن الحياه وقفت. واكتشفت أن دعاكي ورضاكي عليا هم اللي خلوني قادره أكملها شوفت حاجات كتير وانتي مش جنبي كنت محتاجالك فيها قوي لكن قضاء ربنا ولا اعتراض عليه كنتي اطيب خلق الله وكنتي دايما تتمني ان الناس تدعيلك علي تربيتي. يا رب أكون حققت لك أمنيتك فيا. وتكوني متشرفة ببنتك وتربيتك لها. بحبك يا ماما. والف رحمه ونور عليكي. الذكرى السنوية 21 لأمي ادعولها من قلبكم ".
