الفنانة مروة عبد المنعم تكشف حقيقة خضوعها لعمليات تجميل
أوضحت الفنانة مروة عبد المنعم حقيقة خضوعها لعمليات تجميل خلال الفترة الماضية، وذلك من خلال منشورًا عبر حسابها الرسمي على موقع التواصل الإجتماعي فيسبوك.
مروة عبد المنعم تكشف حقيقة خضوعها إلي عمليات تجميل
حيث قالت مروة عبد المنعم في منشورها: “فيه ناس فاكرة إني عملت تجميل وكتير جدا مبيعرفونيش وبيقولولي عملتي ايه في نفسك .. بصراحه أنا نفسي لو حلفتلي أني معملتش حاجه فيا مش هصدقني .. لكن هي دي الحقيقة والله .. أنا معملتش أي حاجة غير أني لاقيت نفسي وقويت نفسي ووقفت مع نفسي وحبيتها بس .. أنا بشكر الظروف الصعبة والمحنة القوية اللي عديت بيها .. والناس اللي خذلتني وصدمتني فيهم ودخلتني في إكتئاب وصدمة نفسية وصلتني للصورة اللي على اليمين .. وبشكر ربنا اللي أهداني محنة عشان ينقذني ويعلمني ويوريني حقايق .. بشكر ربنا اللي بسببه اتحولت لواحدة تانية وإنسانة جديدة .. أنا معملتش أي حاجه فيا .. غير أني رجعت لنفسي وقولتلها ماتزعليش .. الخلاصة .. في كل محنة منحة لحياة أفضل”.
أزمة مروة عبد المنعم مع الإيجار القديم
في سياق منفصل، أثارت الفنانة مروة عبد المنعم الجدل مؤخرًا، خاصة بعد انتشار مقطع فيديو لها وهي تستغيث من ارتفاع إيجار الدوبلكس الخاص بها ، جاء ذلك بالتزامن مع أزمة قانون الإيجار القديم في مصر، وعلقت الفنانة مروة عبد المنعم عن هذا الأمر في تصريحات خاصة لـ موقع نيوز رووم، حيث قالت: “الموضوع ده كان من سنة .. شقتي مكنتش إيجار قديم .. كانت إيجار جديد وعلوا عليا الإيجار .. وعشان كده مشيت.. وعملت فيديو أنادي بقالي سنة أن يا جماعة لازم نفوق ويبقى في واقفة مع الناس اللي بتعلي الإيجار ب 3 أضعاف".
واستكملت الفنانة مروة عبد المنعم حديثها مع موقع نيوز رووم قائلة: "كان وقت السودانيين لما جم مصر.. واسعار عليت جدًا وبقيت نار .. اضطريت أروح شقتي اللي لسة مجهزتش واقعد فيها .. عشان لما دورت على شقة تانية إيجار لاقيت الإيجارات كلها عالية جدًا.. وعملت الفيديو بناشد بوقفة لتقليل رفع الإيجارات .. أنا بتكلم عن الإيجار الجديد ده قبل ما تحصل مشكلة الإيجار القديم”.
