مظهر شاهين يهاجم "تريند فتاة الشيبسي": نحتفي بالمتصدق ونترك الفقير يغرق
هاجم الدكتور مظهر شاهين إمام وخطيب مسجد عمر مكرم، ظاهرة الاحتفاء بالمُتصدق ونسيان الفقير المحتاج، في إشارة لما حدث مع فتاة الشيبسي "هايدي" التي تحولت قصتها إلى تريند.
وقال شاهين في منشور له عبر حسابه على موقع التواصل الاجتماعي "فيس بوك": "مرة واحد معاه فلوس تصدق على فقير، فالناس احتفت به وأعطته أموالًا كثيرة تشجيعًا له، وتركت الفقير غارقًا في فقره"، في تلميح لانتشار الدعم للشخصيات الهامشية على حساب جوهر القضية الإنسانية.
«رجّعت كيس شيبسي وتصدقت بثمنه».. قصة الطفلة هايدي التي أبهرت السوشيال ميديا
فعل إنساني بسيط أشعل السوشيال ميديا، وتحول لـ"تريند" حقيقي عن براءة معهودة فضّلت إسعاد الآخر على نفسها.
يرصد لكم "نيوز رووم" في التقرير التالي ردود الأفعال الواسعة عن الطفلة هايدي التي حركت القلوب قبل الكلمات.
الفنان صبري فواز أشاد ببراءتها عبر صفحته الشخصية قائلًا: "هايدي بنت جميلة وطيبة ومتربية وعملت خير.. المواقع جريت عليهم تصورهم وتعمل معاهم لقاءات.. ودي حاجة كويسة يشكروا عليها".
وأكّد فواز أن جمال القصة في بساطتها حيث قال: "الراجل أبو هايدي قال كلمة في منتهى الجمال.. قال للصحفى أنا شايف إنها حاجة عادية.. مفيش أجمل من كده رد.. خصوصا لما يكون طالع من راجل طيب شريف بيعرف يربي.. ليه بقى عاوزين نشده لحواراتنا وترينداتنا وعاوزينه يفتي في حاجات مش بتاعته.. ولا تخصه.. يا جدعان .. سيبوا الناس بجمالها دول آخر حاجة حلوة".
وكتب آدم فتحي على صفحته على "الفيس بوك": "الترند اللي يستحق الدعم الطفلة هايدي الجميلة اللي ضربت مثال عظيم في الصدقة وإيثار النفس وحب مساعدة الغير؛ طفلة في عمر صغير علمتنا درس محتاج سنوات عشان الواحد منا يقدر يطبق اللي عملته الطفلة على أرض الواقع برغبه وحب بدون تردد وبدون ما تعرف إن فيه كاميرات بتصور او صفحات تنقل الخبر؛ واللي خلف الكواليس هو الاب والأم اللي ابحثوا وراهم كويس هتلاقوهم ناس في غاية الحب والخير عشان كده خرجت الطفلة من نفس صفاتهم الجميلة".
وأضاف: "الأمثلة اللي زي دي محتاجه تظهر للناس وتُدرس في المناهج صدروا للناس الخير والحب والدين الجميل كفاية علينا الأمثلة السيئة اللي بقالنا زمان بنعاني منها.. شكرا يا هايدي صحيتي فينا إن الخير كل الخير في مساعدة الناس وإن الخير باقي أثره على صاحبه والثواب الجنة".
