كان بيلعب كورة .. حسام داغر يكشف سبب وفاة بهاء الخطيب
كشف الفنان حسام داغر عن سبب وفاة الفنان الشاب بهاء الخطيب، الذي غادر الحياة بشكل مفاجئ عن عمر يناهز 41 عام .
سبب وفاة بهاء الخطيب
ونعى حسام داغر صديقه الراحل بكلمات مؤلمة عبر حسابه الرسمي على موقع التواصل الإجتماعي فيس بوك مشيرا إلى وفاته أثناء لعب كرة القدم وكتب داغر : ده لسه متكلمين إنك تيجي تقعد معايا كام في إسكندرية و قلتلك هتحب قعدة بلكونتي علي البحر علطول و رجعت أقولك خلينا في الشتا هيبقي أحلي الجو دلوقتي صيف و حر .
وأضاف : خلاص لا بقه في شتا ولا صيف ولا حاجه الناس بتمشي فجاة ازاي كده لا حول ولا قوة الا بالله دموعي منشفتش من يوم تيمور و قلبي لسه موجوع تقوم تمشي فجأه أنت .
سبب الوفاة
وتابع : يعني إيه وقع و هو بيلعب كوره مات أنا عقلي هيجراله حاجه الثبات و العقل و الصبر من عندك يا رب … بهاء الجميل المحترم الطيب أعرفه من وهو في مسرح الجامعه و قبل المعهد و برضه كبر قدامي و كان ناجح في كل حاجه حتي مجاله و شغله الاساسي جمب التمثيل لو أعرف إنك هتمشي فجأة كنت قابلتك و مفضلناش نأجلها ليه يا ربي الطيبين المحترمين بيمشوا فجاه لا حول ولا قوة الا بالله الصبر من عندك يا رب .
بهاء الخطيب
ممثل مصري، ولد في عام 1984 وتخرج من كلية الحقوق بجامعة القاهرة في عام 2006،والتحق بالمعهد العالى للفنون المسرحيه قسم التمثيل والاخراج وعمل في مجالات تصميم المؤثرات البصرية والموارد البشرية.
شارك في عدد من الورش الفنية مع مروه جبريل وجوديتا سالم ولطفي لبيب ومحمود الجندي وعلي بدرخان من أعماله صاحب المقام عائلة الحاج نعمان ج2 واحة الغروب نصيبي وقسمتك .
