ريهام عبدالغفور ترثي تيمور تيمور : ياللي كنت بتطبطب عليا بعد موت أبويا
حرصت النجمة ريهام عبدالغفور، على رثاء مدير التصوير تيمور تيمور، الذي رحل عن عالمنا أول أمس السبت، تاركًا حزنًا كبيرًا في الوسط الفني.
ريهام عبدالغفور ترثي مدير التصوير تيمور تيمور
وشاركت ريهام عبر حسابها الشخصي عبر فيسبوك، صورة للراحل، وأشارت إلى أنه كان يتسم بالحنان في تعامله مع أهل بيته وعائلته، كما كان يتعاون دائمًا مع زملائه في الوسط الفني ويتناول الإفطار مع العمال في مواقع التصوير، أيضًا أكدت وقوفه بجانبها بعد وفاة والدها.
كنت حنين وفرفوش
وكتبت ريهام عبدالغفور : "يا حبيب قلبي يا تيمور .. ياللي أهل بيتك بيقولو عليك كنت حنين وفرقوش وطيب وبتحب أوي جبر الخواطر .. ياللي أهل مراتك بيقولوا عليك لما دخلت حياتهم جبتلهم الأمان والسلام .. ياللي امك بتقول عليك كنت بني آدم حنين وكويس أوي وابن بار".
ياللي ضحيت بحياتك عشان تنقذ ابنك
وواصلت : "ياللي زمايلك وأصحابك بيقول عليك كنت مسهل عليهم حياتهم .. ياللي العمال كانت بتفطر معاك في طبق واحد في اللوكيشن .. ياللي مخلص لشغلك .. ياللي ضحيت بحياتك عشان تنقذ ابنك .. ياللي قعدت تسمعني وأنا بقولك إني قلبي انكسر على أبويا وتطبطب عليا".
كل الناس بتحبك وبتدعيلك
وأكملت ريهام : "وكنت فاكرة إن عمري ما هتوجع تاني .. بس فراقك وجعني أوي أوي أوي .. ووجع كل حد عرفك .. كل الناس بتحبك وبتدعيلك وعمرها ما هتنساك .. عشان أنت سبت أثر وحكاية حلوة عند أي حد عرفك".
ربنا يسعدك في الجنة
واختتمت ريهام عبدالغفور منشورها بالدعاء للراحل، حيث كتبت : "ربنا يسعدك في الجنة ويجعلك في أعلى درجاتها .. ويجمعنا بيك وبالغاليين في الجنة يارب .. أسألكم الفاتحة والدعاء".
ريهام عبدالغفور تودع تيمور تيمور
وكانت قد نشرت ريهام مؤخرًا، عبر حسابها الرسمي على إنستجرام، صورة تجمعها بمدير التصوير الراحل تيمور تيمور، وكتبت : "حزينة حزينة حزينة .. الله يرحمك ويغفر لك ويعفو عنك ويثبتك عند السؤال يا حبيبي .. يا أطيب وألطف وألذ وأجدع بني آدم وزميل وأخ وصديق".
وتابعت : "هتوحشني ضحكتك وهزارك اللي ماكنش بيخلص .. ربنا يصبر أهلك وكل حبايبك ويصبرنا على فراقك .. كسرت قلبنا يا حبيبي نسألكم الفاتحة والدعاء".
عزاء تيمور تيمور
يُذكر أن عزاء مدير التصوير تيمور تيمور، كان قد أُقيم بالأمس الأحد في مسجد الحامدية الشاذلية، وحرص على حضوره عدد كبير من نجوم الفن، بينهم أحمد السقا وياسر جلال وعمرو يوسف وباسم سمرة وأحمد خالد صالح ومحمد لطفي وحسام الحسيني وحسني شتا وبيومي فؤاد وصبري فواز ودينا فؤاد والمخرج مروان حامد والمخرجة بتول عرقة ومنة فضالي ومحمود شاهين وأحمد صيام وريهام عبدالغفور ومحمد رضوان.
