صابرين جابر تكشف لـ نيوز رووم: الراجل المودي.. حنية مؤقتة ومزاج متقلب

كيف تتعاملين مع زوجك المزاجي!، تقلب المزاج وصعوبة فهم التغيرات المزاجية والعاطفية التي قد يمر بها الرجل كما تمر بها المرأة يعتبر من التحديات الكبيرة بين الزوجين، سواء كان تقلب المزاج أمراً طارئاً مرتبطاً بضغوطات وأحداث معينة، أم طبيعة ثابتة لدى الشريك، في هذا التقرير نحاول تقديم بعض النصائح للتعامل مع الزوج متقلب المزاج.

كشفت خبيرة العلاقات الأسرية صابرين جابر في تصريحات خاصة لـ موقع نيوز رووم حول الرجل المودي أي متقلب المزاج.

رجالة تعمل على بطارية مودات

وقالت صابرين، هناك نوع رجال يشتغل على بطارية مودات مرة يشحن ومرة يفصل وشحنه دايمًا مزاجي.
.يوم يستيقظ في قمة الحنية يرسل لكِ: “صباح الخير يا أجمل حاجة في حياتي” ويطبطب بالكلام طول اليوم.
تاني  يوم؟ ولا كأنكم اتكلمتوا، بيرد بـ “ها” أو “تمام”، وتحسي نفسك بتكلمي روبوت مش إنسان.
 

التغير الطبيعي

• التغير الطبيعي كلنا بنعدي بيه لكن لما يبقى أسلوب حياة يبقى المشكلة أكبر من المزاج.
• العلاقة محتاجة ثبات مش كل يوم حسب الجدول المزاجي بتاعك.
• لما الست تحس إنها مش أمانك هتمشي وهي سايبة وراك مود واحد ثابت… مود اللامبالاة.
• بدل ما تحسسها إنها في امتحان يومي كن زي ما عرفتك أول مرة.
• الثبات مش “دلّع”، الثبات رجولة.
• الحب مش زرار On/Off ولا لعبة نولع ونطفي على مزاجنا.
• القلب اللي بتلعب بيه النهارده بكرة ممكن يقفل في وشك ويقولك: “خليك مع مودك”.
• أكتر حاجة بتقتل الحب مش البعد التقلب .

نصائح للرجالة:

1. لو مشغول أو مضغوط، قول بدل ما تختفي.
2. حافظ على مستوى ثابت من المعاملة حتى في أيامك الصعبة.
3. الاهتمام مش رفاهية هو اللي بيحافظ على العلاقة.
4. ما تستناش المود يتحسن عشان تفتكر اللي قدامك.
5. افتكر إن الثبات في الحب قوة مش ضعف.