محمود سعد: لو هحكم العالم يوم واحد هقول للناس إيه هو الحق والعدل
كشف الإعلامي محمود سعد ماذا يفعل لو حكم العالم يوم واحد، مشيرًا إلى أنه كل ما يفعله هو أنه يشرح للناس ما هو الحق والعدل وما هي الحياة والمراد منها.
وقال محمود سعد في فيديو عبر صفحته الرسمية بموقع فيسبوك: “لو هحكم العالم كله يوم واحد، هطلع في التلفزيون وأشرح للناس ما هو الحق وما هو العدل، وما هي الحياة وما المراد منها. مش هاخد قرارات خالص، هقول للناس في حاجة اسمها الحق والعدل والحرية، ولو الناس فاهمة الحقيقة دي مش هيكون فيه ظلم وقهر وافترى وتسلط وفساد، وده من منطلق مهم جدًا إني أنا أقدر افطر الصبح جمبري مسلوق لكن مش هي دي الحياة علشان تعيش تسرق البلد. ده كلام فاضي. في ناس لم تختبر ولما تختبر تروح في حتة تانية. أنت تستطيع ولكن لا تحب هذه أكبر نعمة من ربنا. بس أنت عايش في زيف مش دي الحياة اللي ربنا خلق الإنسان علشانها هو خلقه علشان حاجات كتير أوي كلها حلوة.فاحنا عملنا كل الوحش وسبنا الحلو”.
محمود سعد يطمئن الجمهور على الحالة الصحية للفنانة أنغام
على جانب آخر، كشف الإعلامي محمود سعد أمس الخميس، أن الفنانة أنغام خضعت لجراحة ناجحة في البنكرياس رغن صعوبتها، حيث استئصلت جزءًا منه، وكتب: “حمد الله على سلامة أنغام..زي ما قلتلكم امبارح.. انغام دخلت غرفة العمليات النهاردة علشان تشيل الجزء المتبقي من الكيس اللي على البنكرياس مع جزء صغير منه.. العملية كانت دقيقة ومش سهلة بس الحمد لله مرت على خير وكانت ناجحة وهي كويسة الحمد لله.. ان شاء الله تتعافى انغام بسرعة وترجع بألف سلامة”.
