المخرجة الوحيدة اللي فيلمها تخطى 95 مليون .. تامر حسني يشكر سارة وفيق
وجه النجم تامر حسني، رسالة شكر إلى سارة وفيق، مخرجة فيلمه الأخير ريستارت، وذلك بعد نجاحه الكبير على مستوى شباك التذاكر، وتجاوز إيراداته 95 مليون.
تامر حسني يوجه الشكر لمخرجة فيلم ريستارت
كما أثنى تامر على سارة بعد تقدميها فيلم يجسد الواقع المرير وهو سيطرة التريند على مبادئ وضمائر الناس من أجل المكسب المادي السريع.
مخرجة كبيرة
وكتب الفنان تامر حسني عبر ستوري إنستجرام : "سارة وفيق مخرجة كبيرة قدمت فيلمًا يجسد الواقع المرير .. وإزاي ممكن بعض الناس يعملوا أي حاجة مهينة .. وممكن يبيعوا مبادئهم وضمائرهم عشان التريند والمكسب السريع".
الفيلم اقتربت إيراداته من 100 مليون جنيه
وتابع : "يمكن الفيلم بيتفهم دلوقتي أكتر .. شكرا سارة وفيق .. ومبروك كونك المخرجة السيدة الوحيدة اللي إيرادات فيلمها تخطي 95 مليون .. واقترب من 100 مليون داخل مصر و800 مليون خارجها .. يعني قرب من المليار".
إنجاز كان لازم أذكره لمجهودك
وأكمل تامر شكره لسارة وفيق، حيث كتب : "وده إنجاز كان لازم أذكره لمجهودك .. ولتحملك لحروب كتير كانت بتكسر فيكي .. ودلوقتي الرد واضح وصريح ..لأننا بنخاطب الجمهور مش أي حد تاني .. والجمهور الكبير اللي دخل الفيلم مش ولاد أختك ..لا ده جمهور حقيقي .. صدق قد إيه فيلمك عبر عن الواقع".
كنا بنلفت نظر الناس والدولة
واختتم تامر حسني : "افترضنا جوه الفيلم أن النت قطع الدنيا هتنهار .. كنا بنلفت نظر الناس والدولة كلها .. أنه لازم يبقى في مسار احتياطي لحياتنا .. وفعلا النت قطع وعشنا في بلدنا مأساة كام يوم .. فخور بيكي يا سارة .. وبشكرك من قلبي".
تفاصيل فيلم ريستارت
يُذكر أن فيلم ريستارت، يمثل التعاون الثاني على مستوى السينما بين النجمين تامر حسني وهنا الزاهد، بعد أن قدما سويًا فيلم بحبك في عام 2022، وحقق وقتها نجاحاً ملحوظًا بالسينمات
ويأتي ريستارت، بشكل مختلف عن فيلم بحبك، حيث ينتمي فيلم ريستارت إلى نوعية الأفلام الكوميدية الرومانسية، كما يحمل رسالة واضحة، وهي تأثير السوشيال ميديا السلبي على حياتنا وسيطرة الإنترنت على العالم.
أبطال فيلم ريستارت
والعمل يضم في قائمة أبطاله بجانب تامر حسني وهنا الزاهد، عدد كبير من النجوم، بينهم عصام السقا، باسم سمرة، محمد ثروت، ميمي جمال، رانيا منصور، وسيد أسامة. كما يشارك في الفيلم عدد من ضيوف الشرف البارزين، منهم إلهام شاهين، محمد رجب، شيماء سيف، وأحمد حسام ميدو، وهو تأليف أيمن بهجت قمر وإخراج سارة وفيق.
