تامر أمين ينتقد ظاهرة الاحتفاء بسوزي: "فين حق اللي جابت 98%؟!"|فيديو

أعرب الإعلامي تامر أمين عن غضبه من حالة التناقض المجتمعي في التعامل مع طلاب الثانوية العامة، منتقدًا بشدة تصدر التيك توكرر"سوزي الأردنية"  التي حصلت على 50%  في الثانوية العامة ، واحتفاء الآلاف بها، بل وتلقيها هدايا مالية تصل إلى مليون جنيه عبر تطبيق "تيك توك".

وقال أمين خلال  برنامجه  "آخر النهار " المذاع عبرقناة النهار: "إزاي واحدة جابت 50% تبقى تريند؟ إزاي الناس تبعتلها هدايا بالآلاف؟ فين العدل؟!"

"اللي جابت 98% دي لازم تجنّن!"

وأضاف تامر: "لما واحدة بنت عندها حلم تدخل طب، وجابت 98% بعد ما موتت نفسها في المذاكرة، وسهرت، وقلقت، وضغطت على نفسها وقلّبت البيت معاها سنة كاملة، تيجي تلاقي الناس كلها بتتكلم عن سوزي اللي جابت نص الدرجة وفرحانين بيها.. دي لازم تحس بالظلم، وتحس إن تعبها راح هدر!"

وشدد على أن هذه الرسائل تقتل الحافز لدى الطلاب المتفوقين، قائلاً: "كده إحنا بنقول للناس: التعب مالوش لازمة، النجاح سهل، واحتراف الترند أهم من التفوق!"

"مش رأي.. ده انهيار قيم"

وأوضح أمين أن المجتمع يجب أن يفرق بين الاجتهاد الحقيقي والتفاعل المؤقت على السوشيال ميديا، مؤكدًا: "مش كل حاجة تتساب للأراء.. لازم يبقى فيه معيار واضح، فيه قانون، القانون هو اللي يحكم، هو اللي يثيب المجتهد ويحاسب المستهتر."

"دي مش حرية.. دي فوضى أخلاقية"

وتابع: "اللي بيحصل دلوقتي كارثة أخلاقية وتربوية. لما طالب يجتهد ويلاقي اللي جاب نصه بيتكرم، طبيعي يحبط. وإحنا بنربي جيل جديد لازم يشوف قدامه قدوة حقيقية مش قدوة مزيفة."

"مصر مش هتبقى بلد بلا قانون"

واختتم حديثه بتأكيده على أن مصر كانت دائمًا دولة تحترم القانون والانضباط والعدالة، وقال: "لا يمكن نسكت على ده. مصر مش هتبقى بلد بلا قانون، ومش هتسمح بإهانة قيمة التعليم والاجتهاد."

وفي نفس السياق ،علق الإعلامي تامر أمين على الحملة الأمنية التي شنتها وزارة الداخلية ضد عدد من مشاهير تطبيق "تيك توك" والبلوجرز، والذين اتُهموا بنشر محتوى مخل وخادش للحياء العام، معتمدين في بعض الأحيان على الإيحاءات والألفاظ التي يُعاقب عليها القانون.