بعد أزمة التيكتوكرز.. محمد عطية يهاجم ازدواجية المجتمع: بلاش وصايا أخلاقية
تزامنًا مع مطاردة الداخلية للتيك توكر والبلوجر والقبض على عدد منهم وسعادة الكثيرين بهذا الأمر، وصف الفنان محمد عطية المجتمع المصري بالازدواجية، مشيرًا إلى أن الوصاية لأخلاقية فكرة متجذرة لدى المصريين خاصة بعد فترة حكم السادات.
بعد استار أكاديمي في فنان هاجمني
واسترجع محمد عطية عبر صفحته الشخصية بموقع فيسبوك الهجوم عليه بعد مشاركته في برنامج استار أكاديمي: “بعد ما خرجت من ستار أكاديمي مباشرة طلع أحد الفنانين في أحد البرامج الحوارية بيتكلم عني وبيقول إني لا استحقّ وأن البرنامج مفسدة للمجتمع ويجب منع مشاركة المصريين فيه. ساعتها ما كانش فيه سوشيال ميديا فالنعرة الاخلاقية دي ما لقتش صدى من مدعيين الفضيلة زي حضرتك كده ياللي بتقرا البوست وشايف أن اللي بيحصل ده انتصار عظيم لقيم الأسرة المصرية”.
وكشف محمد عطية موقف الفنان الراحل فاروق الفيشاوي ودفاعه عنه قائلًا: “في نفس الوقت كمان الله يرحمه الفنان فاروق الفيشاوي اللي عمري ما شفته ولا قابلته وقف ودافع عني وهو مش جايله ادنى مصلحة من ورا ده غير أنه بيدافع عن فكرة هو مؤمن بيها وهي فكرة الحريات .. وطالما أن لم يفرض شيء عليك فأنت حر وشكر فيا وقال عني كلمتين فنيا كويسين”.
وتابع محمد عطية: “تشاء الأقدار أن الفنان الأول حامي الفضيلة عمل فيلم بعدها بكام سنة كده كله ايحاءات جنسية وتلاعب بالألفاظ .. اللي عاوز أقوله أن فكرة الوصاية الأخلاقية فكرة متجذرة عندنا كمصريين من بعد فترة حكم السادات بشكل ملحوظ واللي بيقدر يتخلص منها بيكون حقق انتصار فردي ضد مجتمع غرقان في الازدواجية”.
محمد عطية: انحاذوا للفقرا يا جماعة وبلاش تدعوا أنهم فساد المجتمع
وفي منشور آخر، دافع محمد عطية عن التيك توكرز صراحة، حيث كتب: “انحازوا للفقرا يا جماعة وبلاش تدعوا انهم سبب فساد المجتمع .. انحازولهم هما مالهمش حد.. انتوا عارفين انكم منافقين وانتوا بتهللوا انهم سبب فساد المجتمع.. سيبوهم يشموا نفسهم . بلاش ازدواجية .. مافيش كاس هيتوزع على حماه الأخلاق”.
