محمود سعد يكشف تفاصيل مكالمته مع أنغام بعد استئصالها كيسًا حميدًا من البنكرياس
كشف الإعلامي محمود سعد تفاصيل الحالة الصحية للفنانة أنغام، بعد سفرها لألمانيا وخضوعها لعملية في البكرياس، حيث أوضح أن الفنانة كانت تعاني من وجود كيس حميد على البنكرياس الأمر الذي استدعى تدخل جراحي عن طريق المنظار لإزالته، مؤكدًا في الوقت نفسه أنه لا صحة بشأن إصابتها بورم خبيث.
محمود سعد: أنغام تستحق الحب
وقال محمود سعد في فيديو لايف عبر حسابه بموقع فيسبوك: “أنغام كويسة جدًا وبتكلمني.. أنغام تستحق الحب، لأنها مش صوت جميل وإحساس مرهف فقط، هي بني آدمة جميلة، تعبت وشقيت، علشان تفضل تغني ليكم، الغنى الحلو”.
وأضاف محمود سعد: “لما اتكلمنا الصبح بدري، اطمنت على صاحبتي وخلاص، لما كلمتها تاني، قالت لي عاوزة أطمن الناس، واللي قلته ليكم ده الخبر الدقيق جدًا، من أنغام شخصيًا، كل الكلام ده أنغام بتقولوا ليكم، أنغام مفيهاش حاجة، هتخرج بكره أو بعده، وادعوا ليها”.
بتقولي في وجع جامد في كتافها وضهرها
وتابع محمود سعد: “أنغام بتقولي في وجع جامد في كتافها وضهرها ومش فاهمة السبب، هي كانت مخضوضة جدًا، وآخر رسالة منها ليا كان صوتها حزين جدًا، ومتاخد”.
وأشار محمود سعد إلى أن أنغام تستطيع أن تتحرك وتأكل أطعمة قليلة، قائلًا: "أنغام تتألم جامد جدًا وعاوز أنك تدعوا لها، بتقدر تمشي وتاكل حاجات بسيطة، معندهاش أي حاجة خبيثة، وهتخرج بكره أو بعده”.
وكشف محمود سعد موعد عودة أنغام إلى مصر، قائلًا: “لو خدت حقن مضاد حيوي في الدم هتضطر تقعد شوية، ولو حبوب احتمال تيجي على طول، واللي فاضل من الكيس مش مزعج، قد تحتاج تشيله في فترة من الفترات قدام، وعاوز متابعة، كل شهر أو اتنين تعمل رسم وتشوف، والأطباء في ألمانيا قالوا ليها اعملي رسم في مصر، ولو مستقر ومش بيكبر مفيش مشكلة، ومفيش حاجة خطر”.
