أنغام تستأصل كيسًا حميدًا على البنكرياس.. ومحمود سعد: الفنانة تتألم ادعوا لها
كشف الإعلامي محمود سعد تفاصيل الحالة الصحية للفنانة أنغام، بعد خضوعها لعملية جراحية في البنكرياس بإحدى المستشفيات في ألمانيا.
وقال محمود سعد في بث مباشر عبر صفحته الرسمية بموفع فيسبوك، إن الفنانة أنغام كانت تعاني من وجود كيس حميد على البنكرياس بحجم كبير جدًا، وهو الأمر الذي استدعى سفرها إلى ألمانيا، وخضعت لجراحة لاستئصاله، مشيرًا إلى أنها استئصلت جزءًا منه وما زال جزءًا آخر.
وقال محمود سعد: “من حسن حظي أنه صارت بيني وبين أنغام صداقة في منتهى القوة ومحبة كبيرة.. وبعت لها رسايل من فترة مش بترد وده مش من عادتها، لأنها على طول بترد عليا، والنهارده الصبح ظهرت وكلمتني، وطبعًا السوشيال ميديا مليانة أخبار هنا وهنا، والبعض بيجتهد في الأخبار وإحنا عارفين مزايا السوشيال ميديا وعيوبها، ولقتها قلقانة جدًا عليكم، قالت لي أنا قلقانة جدًا على الناس اللي بتسأل عني، والأخبار اللي بتنتقال عني غير دقيقة".
محمود سعد يكشف طبيعة مرض أنغام
وأضاف محمود سعد: “أنغام عندها كيس على البنكرياس، والحمد لله طلع حاجة عادية وحميدة، وكل اللي بيتقال مالوش أساس من الصحة خالص، وعملوا ليها منظار في المانيا وبالتحديد في ميونخ.. والمنظار دخل من الفم، لحد ما وصل البنكرياس وشال جزء كبير من الكيس لأن الكيس كبير، وهي بتاكل، وبتتألم جامد جدًا وعاوز أنك تدعوا لها، بتقدر تمشي وتاكل حاجات بسيطة، معندهاش أي حاجة خبيثة، وهتخرج بكره أو بعده”.
وعن موعد عودتها إلى مصر: “لو خدت حقن في الدم هتضطر تقعد شوية، ولو حبوب احتمال تيجي على طول، واللي فاضل من الكيس مش مزعج، قد تحتاج تشيله في فترة من الفترات قدام، وعاوز متابعة، كل شهر أو اتنين تعمل رسم وتشوف، والأطباء في ألمانيا قالوا ليها اعملي رسم في مصر، ولو مستقر ومش بيكبر مفيش مشكلة، ومفيش حاجة خطر، وهي كويسة جدًا، واتكلمنا أكتر من تلات أربع مرات، أرجوكم ده الخبر الدقيق”.
