ياسمين عز لسيدة تشتكي من زوجها: عايزة تخرجي جوزك في الحر؟|فيديو

ردت الإعلامية ياسمين عز، على رسالة سيدة، “واحدة بتقولي، أنا جوزي ما بيخرجش معايا خالص، ولما قلتله عاوزة اخرج، قالي البسي يا حبيبتي و تعالي نروح نصلي الجمعة”.

هتتخانقوا على باب الشقة

وقالت ياسمين عز، خلال تقديمها برنامج “كلام الناس”، عبر فضائية “أم بي سي مصر”، “ركزي في الأخرة، عايزة تخرجي جوزك، في الجو ده ولو خرجتي في الجو ده هتتخانقوا على باب الشقة”.

وتابعت مقدمة برنامج “كلام الناس”، أنه “اعمليله كفتة الرز اللي طلبها منك ومتتخانقيش معاه”.

وفي تصريحات سابقة، أثارت الإعلامية ياسمين عز جدلاً واسعًا بعد أن كشفت عن ظاهرة "موسم الطلاق" التي تشهدها البلاد خلال فصل الصيف، مشيرة إلى أن حرارة الطقس تؤثر بشكل مباشر على الحالة النفسية للأزواج، مما يؤدي إلى زيادة المشاحنات والخلافات الأسرية.

وبأسلوبها المعروف، ربطت عز بين حرارة الصيف وارتفاع نسبة المشاحنات الأسرية، مؤكدة أن "الحر بيضيق خلق الناس"، وأن الكثير من الأزواج "بيتلككوا على أي حاجة علشان يفتعلوا المشاكل"، حسب تعبيرها.

"سيبيه يتكلم.. بس إنتي مترديش"

واصلت عز تقديم النصائح بأسلوب ساخر، لكنها حملت بين سطورها رسالة تحذيرية، فقالت:"جوزك ممكن توماس إديسون.. بيخترع مشاكل! يخلق أي مشكلة من الهوا، ويقول زهقان وحران وعاوز يطلقك!"

وتابعت:"لو لقيتيه بيزن وبيتخانق، اسمعي منه ومترديش.. متدخليش في مشادّة، سيبيه يفرّغ الغضب، واحبطي مخططه إنه يتخذ قرار متهور باسم الطقس أو الزهق".

وأكدت أن الحكمة في مثل هذه الأوقات هي في "امتصاص غضب الطرف التاني، وتجنب أي ردود فعل ممكن تكبر المشكلة".

وفي نفس السياق ،قالت ياسمين :"في واحدة بتسألني، بتقولي نفسي أتجوز راجل وشه بشوش وما بينكدش... روحي اتجوزي أردني."

وتابعت:"في واحدة اسمها جميلة باعتالي، بتقولي: الرجالة بقت نكدية أوي يا ياسمين، نفسي أتجوز راجل حلو بشوش، يبتسم في وشي أول ما يصحى يا حبيبتي اتجوزي أردني، يصبحك بابتسامة ويمسيكي بابتسامة، ووريني بقى شطارتك في المطبخ."

وأكملت ياسمين كلامها بنبرة تمزج بين الدعابة والتحذير:

"محدش يبعتلي أسئلة، هديكي إجابات مش هتعجبك."

وأضافت بسخرية:

"هو في حد بيتجوز دلوقتي؟ إنتي شايفة اللي حواليكي؟ حاجات مبشرة؟ مفيش جواز دلوقتي."

"اتعلمي تعملي المقلوبة"

وختمت نصائحها بطرافة قائلة:"ابقي أرد على سؤالك في شهر 10، تكوني اتعلمتي تعملي المقلوبة... عارفة المقلوبة؟ اللي بتقلبيها على صينية الألومنيوم؟ الحركة دي لو ما عملتيهاش، مش هتتجوزي."

وفي نفس السياق ، وجهت الإعلامية ياسمين عز مجموعة من النصائح الطريفة والمباشرة للزوجات داعية السيدات إلى احتواء أزواجهن في ظل موجات الحر الشديدة التي تضرب البلاد هذه الأيام، مستخدمة أسلوبها الخاص الذي يمزج بين العفوية، الدعابة، والرسائل الاجتماعية.