الحرب على بنتايك من داخل الزمالك .. أحمد سليمان يطلق تصريحات نارية

وجه أحمد سليمان، عضو مجلس إدارة نادي الزمالك تصريحات قوية حول ما يتعرض له جون إدوارد، المدير الرياضي من هجوم في الوقت الحالي، وما تعرض له المغربي محمود بنتايك لاعب الفريق في الفترة الماضية.

قال أحمد سليمان، عضو مجلس إدارة نادي الزمالك عبر قناة إم بي سي مصر : "محمود بنتايك قعد شهر ونص اتعمل فيه ما لا يعمل ..  أقسم بالله العظيم ما في لاعب جيه مصر اتعمل فيه اللي اتعمل في بنتايك ومن ناس جوا الزمالك".

أضاف: "اتقال عليه ده مريض ده عنده قلب ده لازم يمشي .. يا راجل ده ليلة السفر من السعوديه يجيلي تليفون أن جوميز مش عايز يسفر بنتايك السعودية اللي هو كان نجم ماتش الاهلي في السوبر الافريقي وقتها".

وتابع قائلا : "بعرفك الحرب القذرة اللي بيتعرض ليها الزمالك واللي بيتعرض ليها جون إدوارد دلوقتي من ناس تانيه ليها وكلاء ومصالح بمساعدة ناس".

وأوضح: "أنا عمري ما سألت جوميز عن التشكيل .. كابتن حسين لبيب بيقولي بنتايك هيلعب .. قولتله هيلعب ليه انا بتحارب ببنتايك وبنتايك بيتقطع وكان طالع كلام أن عمر جابر هيلعب باك شمال في الماتش ده بتاع السوبر الأفريقي".

وتابع: "ده انا عامل فيديو للإعلام وقتها وكلامهم عن بنتايك ده هيترحل ده هيمشي ده اتعمله اثنين كشف طبي وتقطيع، أنا وريته لكذا إعلامي كل واحد منهم قال ايه عن بنتايك قبل ما يلعب اصلا".

وأضاف: "أنا اتحاربت في قصه أشرف بن شرقي وانا مليش اي ذنب في القصه دي وعدم انتقاله للزمالك والحمدلله الاستاذ عمرو الادهم والاستاذ هاني شكري طلعوا وقالوا أننا مقدرناش نوفي فلوسه".

وشدد: "كنت قاعد في الاستاد في ماتش القمة 1-1 وحد قاعد ورايا من حبايبي بيقولي منك لله انك مجبتش بن شرقي .. ده ربنا بعد دقيقتين يخلي محمود بنتايك يجيب الهدف .. أنا اتحاربت فيه".

واختتم تصريحاته: "أنا زعلان من الحرب اللي شغاله على جون إدوارد.. أنا عايز واحد يشتغل بدون ما حد يجيي جنبه".

وكان نادي الزمالك تعاقد مع المغربي محمود بنتايك الموسم الماضي قادما من نادي سانت اتيان الفرنسي في صفقة مجانية