في علاقات كتير حوالينا الراجل بيتعامل مع البنت على إنها “مضمونة”.
مش لأنه بيحبها حب حقيقي لكن لأنه متأكد إنها مش هتمشي.
فاكر إن وجودها ثابت وإنها مهما اتكسر جواها هتفضل جنبه.
هو بيغلط وهي تسامح.
هو يبعد وهي تستناه.
هو يتقل وهي تبرر.
وهو؟
ولا مرة فكر إن وجودها مش أبدي وإن الصبر له آخر.
اللي زيه بينسى إن البنت اللي دايمًا بتتحمل هي أكتر حد بيجي عليه يوم وبيمشي من الوجع.
مش بتغضب فجأة ولا بتمشي أول ما تتوجع هي بتفضل تحاول وتحاول لحد ما تحس إنها مش قادرة تكمل.
في اللحظة دي البنت ما بتختارش تمشي هي بتضطر تمشي علشان تنقذ الباقي من نفسها.
وهو؟
يبدأ يستوعب بعد فوات الأوان.
يتفاجئ إن اللي كانت دايمًا جنبه اختفت.
يقول: “ماكنتش أتوقع تمشي”.
بس هي مشيت علشان تعبت من التوقع ده.
الراجل اللي بيبقى ضامن وجودها بينسى يسأل نفسه سؤال بسيط:
“هل أنا فعلاً بستحق إنها تفضل جنبي؟”
اللي بيضمنك ما بيقدّركش.
واللي مش مقدّرك في يوم هيفوق على غيابك وهو مش مستعد.
فـ للبنات:
لو لقيتي نفسك في علاقة طول الوقت بتبرري وبتعدي وبتتألمي لوحدك…
فكري بجد:
هو بيحبك؟
ولا بس “ضامن” إنك مش هتمشي؟
وفي لحظة لازم تمشي.
مش علشان انتصرتي عليه،
لكن علشان اختارتي نفسك أخيرًا
مافيش حاجة مضمونة… حتى قلبك لو اتكسر كتير مش بيرجع زي ما كان.
فإوعى حد يراهن على وجعك لأن الوجع بيغير الوشوش والمشاعر والقرارات.”
