ناقد فني يهاجم بيان الموسيقيين ضد راغب علامة: "تلوث بصري وإهانة للغة العربية"
شنّ الناقد الفني جمال عبدالقادرهجومًا لاذعًا على البيان الصادر عن نقابة الموسيقيين بشأن الفنان راغب علامة، مؤكدًا أنه مليء بالأخطاء اللغوية والكوارث التعبيرية، إلى حدٍ وصفه بـ"التلوث البصري".
جمال عبدالقادر: هل حضر أحد من نقابة المهن الموسيقية حصة لغة عربية؟
وقال عبدالقادر، في منشور له عبر حسابه الرسمي على موقع التواصل الاجتماعي "فيس بوك": "إيه التلوث البصري ده، إيه كم الأخطاء والكوارث اللغوية دي !! مافيش واحد في النقابة دي حضر حصة لغة عربية في حياته؟".
وأضاف غاضبًا: "المفروض اللي كتب واللي وقع على المصيبة دي يتم تحويله للتحقيق بتهمة إهانة اللغة العربية، لأ وماضي الفنان كأنه مش مصدق أو عارف أنتم مش مصدقين في حاجة عايز يأكدها.. نقيب لايق على المرحلة".
في سياق آخر، كان قد وصف الناقد جمال عبدالقادر صفقة بيع اللاعب وسام أبو علي بأنها "صفقة ناجحة بكل المقاييس"، مؤكدًا أن اللاعب جاء بمقابل بسيط وحقق بطولات، ثم تم بيعه بأرباح ضخمة، معتبرًا أن ما حدث يمثل نموذجًا للاستثمار الرياضي الناجح.
وقال عبدالقادر، في منشور له عبر حسابه الرسمي على موقع التواصل الاجتماعي "فيس بوك": " صفقة وسام أبو علي، صفقة ناجحة بكل المقاييس، لاعب دخل النادي من سنة ونص بمليون ونصف دولار ساهم في الحصول على أكثر من بطولة وأخيرا تم بيعه بأكثر من 9 ملايين دولار".
وأضاف: "كان فيه رغبة أنه يكمل علشان يحقق بطولات أكثر، لكن برضه الرقم المعروض مش هيتكرر، ده غير أنه هيتمرد ومش هتاخد منه حاجة تاني".
وأردف جمال عبدالقادر: "اللعبة مفروض أنها بيزنس، استثمار و ربح للأندية ومصدر دخل للاعب بقول مفروض أنها كده، الكلام عن انتماء و عواطف كلام فاضي وبيتم استخدامه حسب المزاج والمصلحة".
جمال عبدالقادر: التاريخ مش دايمًا في الحسبة والرقم هو اللي بيحكم
واختتم الناقد الفني جمال عبدالقادر منشوره قائلًا: "فكرة إنك توصف اللاعب اللي خارج من عندك علشان مصلحته وبحثا عن رقم أعلى أنه خاين ده كلام مسخرة وعيب تقوله لأنك في موضع آخر بتوصف اللاعب اللي دخل عندك لنفس السبب بأنه اختار التاريخ والجغرافيا وأنت عارف ان كله اختار الرقم الأكبر والتاريخ مش دايما في الحسبة.. استقيموا وبلاش اوفر دي في الآخر لعبة".
