شيماء سيف: اتخانقت مع شخص أثناء التصوير.. والناس قالولي «ينصر دينك»
قالت الفنانة شيماء سيف، إنها تشاجرت مع أحد في وقت ما أثناء التصوير: « كنت بصلي وواحد زعقلي وقالي اي كل دا احنا مستنيينك، دا المخرج نفسه كان بيصلي ومجاش عشان التصوير، هو بقى بيغلوش وعلى صوته وعليت صوتي انا كمان رغم إنه متعود اني لذيذة بس طلعت روح الشبح اللي جوايا والناس كلها كانت فرحانة فيه وقالولي ينصر دينك يا استاذة».
وأضافت «سيف»، خلال حوارها مع الإعلامية ياسمين عز ببرنامج «كلام الناس»، المذاع على شاشة قناة «إم بي سي مصر»، أنّها لم تكن تحت مرحلة الطفولة بس كان دمي خفيف وبحب أقلد الأشخاص، معلقة: «بالفعل قمت بتقليد ياسمين عز أثناء حوارها عن الرجالة والستات وقالت إن ياسمين عز بتيجي على الستات»
وفي وقت سابق، عادت الإعلامية ياسمين عز لإثارة الجدل من جديد بتعليقاتها المباشرة وغير التقليدية، حيث وجّهت رسالة إلى السيدات تميزت بأسلوبها الخاص الذي يجمع بين النبرة الساخرة والأوامر غير المتوقعة.
«تروحي تجيبي من اليونان الزبادي»
قالت ياسمين عز خلال برنامج "كلام الناس " المذاع عبر قناة MBCمصر :«النهارده أجازة، وانتي قاعدة بتتفرجي عليا كده، في كيكة بتتعمل بزبادي من اليونان، تروحي تجيبي من اليونان الزبادي وتعملي بيه الكيكة وتاكليها بإيدك.»
«مافيش حاجة اسمها الزبادي غالي»
واستكملت ياسمين :«مافيش حاجة اسمها الزبادي غالي، بيعي دبلتك! هو ياما جَبْلك.»
ثم أضافت بشكل مباشر:«أنا عارفة إنك مش طيقاني ولا طايقة حد من الحر.. قومي وقفي قدام الفرن واعملي كيكك، وهتطلقي!»
أنهت عز حديثها بنبرة حاسمة:«قومي اعملي كيكك، وهتطلقي!»
وفي وقت سابق، أثارت الإعلامية ياسمين عز موجة من الجدل كعادتها، بعد أن وجهت رسالة مباشرة للرجال، داعية إياهم لاستغلال أزمة انقطاع الشبكة مؤخرًا كـ"فرصة للراحة" من التزاماتهم الأسرية.
افصل تليفونك وافصل دماغك
وقالت ياسمين عز خلال برنامجها "كلام الناس" المذاع عبر قناة MBCمصر :لو ما استغلتش أزمة الشبكة اللي فاتت، يبقى فاتك كتير! افصل تليفونك وافصل دماغك، وارجع البيت مرتاح كأنك راجع من إجازة."
وأكدت ياسمين أن المرأة لا يمكنها إنكار أن هناك أزمة فعلية في خدمات الاتصال، ما يتيح للرجل استخدام هذا الظرف لصالحه، مضيفة: "هترجع البيت، المدام هتقولك: ليه تليفونك مقفول؟ رد بكل ثقة وقولها: الشبكة كانت بايظة."
هي عارفة.. بس مش هتعرف انت كنت فين
وتابعت بسخرية : "مراتك عارفة إن الشبكة فعلاً كانت واقعة، ومفيش حد بيكذب، بس في نفس الوقت، هي مش هتعرف كنت فين ولا كنت بتريح دماغك فين، ودي ميزة لازم تستغلها دلوقتي، ويمكن نعرف التفاصيل بعدين."
