ملكة "الكاترينج" غادة نوارة تصاب بقطع في كتفها بسبب "الطبخ"
تعد غادة نوارة من أشهر الشيفات في مصر وتشتهر بـ ملكة "الكاترينج"، ولكنها تعرضت لأزمة صحية بسبب طبيعة عملها في مجال الطبخ، حيث أجرت عملية لعلاج "قطع وتر الكتف".
ووجهت غادة نوارة الشكر للدكتور المعالج لها وهو من قام بالعملية الجراحية لها، وذلك من خلال تغريدة على صفحتها الشخصية عبر "انستجرام" قالت فيها: شكر خاص للدكتور الإنسان عمر سليمان.
"حابّة أوجّه كل الشكر والتقدير للدكتور الإنسان المتميز عمر سليمان، استشاري جراحة العظام، على مجهوده الكبير ومهارته العالية في عملية قطع وتر الكتف اللي عملتها مؤخرًا".
"أول ما عرفت إني محتاجة عملية في وتر الكتف، الخوف والقلق مسكوا فيا جامد والقلق كان مضاعف لأني شغلي وحياتي كلها بتعتمد على إيدي اليمين، والإيد دي هي اللي هتتعمل فيها العملية. كان في أسئلة كتير شغّالة في دماغي: يا ترى إيدي هترجع زي الأول؟ هقدر أرجع للمطبخ وأمسك أدواتي وأشتغل وأقدّم وصفاتي زي زمان؟"
"لكن أول حاجه جت في بالي الدكتور عمر، مش بس عشان دكتور شاطر، وإنسان بمعنى الكلمة. وسمعني كويس، و حس بقلقي، وشرحلي حالتي بأسلوب بسيط وواضح، وخلاني أطمن قبل ما يبدأ أي خطوة. وكمان مجرباه قبل كده انا و عائلتي بالكامل في كذا عمليه عمره ما خذلنا".
"بجد بشكرك يا دكتور عمر على إخلاصك وإنسانيتك قبل مهارتك، وربنا يجعلك دايمًا سبب في شفاء الناس ويزيدك نجاح وتوفيق. ويردلك كل دا في صحتك انت واولادك و كل حبايبك".
"دلوقتي أنا في شهر كامل من تعليق إيدي وبعده هبدأ رحلة العلاج الطبيعي لمدة شهرين، رحلة مستنياها عشان أرجع بقوتي للمطبخ، للمكان اللي بحبه، وأرجع أقدّم وصفاتي. كل الوصفات اللي هتشوفوها دلوقتي مصورة قبل العملية، واللي حنصورها بعد كده في شهر 9 هتكون بإيدي الشمال لحد ما اتعافي تماما ان شاء الله".
الطبخ فن وذوق ونفَس وموهبة..
امتلكت الشيف غادة نوارة موهبة شهد بها الجميع بدءًا من أسرتها وأصدقائها ثم ذاع صيتها لتتوسع دائرة عملائها تدريجاً إلى أن وصلت الآن بأنها أشهر شيف للعديد من الفنانين والمشاهير الذين استطاعت أن تنال ثقتهم من خلال ذوقها المميز وتقديمها لأجمل وأشهى الأكلات الشرقية والغربية بذوق وفن عالٍ وراقٍ.
